三月。

偷懶一下上黎打個blog。
三月有好多死線同測驗,好多野要做。由月頭到月尾每個星期都有野要清,完全唔係可以hea既月份。希望可以快d過,因為呢個月唔係我既月份。
終於定左搬去邊,大家都安樂晒。即係話我都要開始執野。
十年既野真係唔知由邊度開始執起,我想所有野都keep返晒,全部都係我十年既珍藏,當然都有眼冤野。要執真係有排執。
十年,當然會唔捨得呢度,畢竟我既青年時代係0係呢度過。有好多回憶,最好既朋友都係住呢度。記得細個要搬入黎既時候,個時係五年班,我同細佬都好唔想搬走,唔想比第二個人住我地屋企,於是臨走之前將房既牆畫花晒。
不過,而家雖然係有d唔捨得,但反而期待既感覺更大。或者去到一個新環境,會有新既發展,有更多既機會,亦都希望轉一轉運。
三月,真係想快d到月尾。