生日快樂

今年生日,聽到兩個大shock的消息。
不過仍然很快樂。
唔夠半年,又再次到訪迪士尼。
感謝我的好朋友,kennis小慧becky。仲有傑少。

歡迎你加入我pooh pooh既大家庭!

多謝 jill~>3<~

姑婆,rest in peace。

工作

返工既時間過得好快
快到連放假都過得好快
好似都冇乜點hea過
又唔知做過d乜

返工既日子真係有d刻板
返左兩星期仲未習慣呢個模式
感覺有d奇怪

公司....
d同事都好好人
差不多日日都有tea食
老闆娘個人冇乜野
係"度"左d
佢一打牙骹講既野我一定會偷笑
但呢份工....
去定留,我仲有d猶豫
仲未清楚自己想要d乜
自己都覺得好d難搞

尋人

近來經常0係內心做好多無謂既掙扎。
明明理智上已經作出左決定,但感情始終都唔能夠屈服。
就算已經做緊個件事,但心裡面總依然問緊:好唔好咁?點解要咁?
我覺得自己越來越麻煩,點解總係要咁多顧慮?
我一直都唔中意做事唔爽快既人,但而家連自己都變成呢類人。
以前既我唔係咁,要做決定好容易,唔需要諗多。
但而家呢,遲遲做唔到決定,思前想後。
但到最後又發現自己諗咁多野好多餘。
好唔中意而家既自己,究竟以前爽快既我去左邊?

Mii。

點整都唔多似。

大家已經克服左初期boxing同tennis屎導致既舉唔到手後遺症。
不過近來熱情冷卻左落黎。
而家專心玩緊paper mario,真係不錯玩。
但我依然係wii界既舒拉寶娃!!!

終於等到了

04 July 2007
Dear TSE, Wai Yi (50561106)

GRADUATION

I am pleased to inform you that you have successfully completed all the requirements of your study programme. Your will be invited to attend this year's Congregation scheduled in November 2007. Details of the Congregation arrangements will be available at our web site http://www.cityu.edu.hk/arro/2007cong/ from August 2007 onwards. As the University will continue to communicate with you by email, please check your student/alumni email account regularly.

When your results are officially approved by the University Senate, the graduation date in your record will be set as 16 July 2007. An official transcript will be mailed to you separately. As the University wishes to keep in contact with you, please ensure that your contact information, such as address or telephone number, in the University records is correct. You can view and update your records online through the Administrative Information Management System (AIMS).

Please note that the name (both Chinese and English) to be printed on your certificate will be the same as that shown on your Student Identity Card. If any correction is needed, simply download and complete the Change of Personal Particulars Form (available from the ARRO Student Services website) to inform us as soon as possible.

Last but not least, please accept my congratulations on your achievements.

Mary Rose Chu
Director Academic Regulations and Records Office
------------------------------------------------------
十年後,我大學畢業了。
從來沒想過這一幕的情景,但竟然不知不覺地來到了。
十年,回看像夢境一樣,快得自己也不能相信。
收到這信,突然有一陣感動。
感謝各位。
------------------------------------------------------
到了日本的KAIRI小姐,希望你一路順風。
三個月後學成歸來,順手帶兩三個日本仔回來哈哈。
我十月一日等你啊。

多少

最近我地既大家族多左一位少爺。

佢就係我表姐隻貓--多多。
兩個月大,得意又靚仔。

見到佢就非常肉緊,一星期點都要見佢一次。

不過呢位大少就非常識食。

最中意食芝士飲奶,兜乾糧比少d吞拿魚都唔中意唔食。

但除左呢樣野之外,都非常咁乖仔。

加上佢又真係好靚仔,所有人都奉佢為小明星,大家都慕名而來睇下佢有幾靚仔。

呢期阿金就慘囉,比人蓋過風頭添。

台灣

KAIRI寫得太好了,所以我懶得再寫...
quote一下好了....
git有喝苦瓜茶
我只偷喝了一口
很重的苦瓜味...(廢話) 其實挺好喝
台灣的臭豆腐一點也不臭
在西門町看了魔盜王
Captain Jack超越可愛有型
可惜結局很隨便
在台北的錢櫃唱KTV
除了五月天沒歌懂唱
日文歌比香港的還少
鼎泰豐很好吃
原來台灣人吃小籠包不點醋而是點醬油
謝謝台灣朋友艾莉的請客
在等豪大大雞排炸好的時候
從旁邊的電視看到林曉培駕車撞死人的新聞...
到達台北的第二天就開始斷斷續續的下雨
也一直很熱
難得上了101大樓
可是太大霧風景打了折扣
去了十分瀑布
發現原來不怎麼雄偉
水面不只有很多垃圾
還浮著一條死狗
台灣的路很大很闊空間很多
走起路來很累
台灣的街頭有很多 7-ELEVEN 很多 cafe
很多牙醫很多耳鼻喉科診所
還有很多百貨公司
阿婆鐵蛋超級硬
我們都提議阿婆將自家品牌改名做阿婆橡皮蛋
提起阿婆鐵蛋
我發覺台灣人想名字真的很懶
店家的名字都叫○○的店
阿媽,阿公,阿妹,阿姐...
連姐夫的店都有
還有
阿嬌美容阿信書店阿嬤麵線 (這些是我亂來的, 不過我不排除真有其店)
git有一次吃太多吃到胃痛
第二天本來沒事了卻在啃了一粒阿婆橡皮蛋後再度發作一直嗝氣過不停
謝謝君婷六天一直陪我們玩
還接機送機的
辛苦你了！
你騎機車的樣子超酷的！
機車jill！！

食到胃痛

去左台北六日,食左以下咁多樣野:

魚丸湯
石頭鍋飯
奇異果冰
薯片塔
火車便當
DUNKIN' DONUTS X 2
草莓蛋糕
蛋糕吃到飽
切仔麵
豪大大雞排 X 2
阿給
阿宗麵線 X 2
臭豆腐 X 2
蚵仔煎
度小月担仔麵
鼎泰豐
菜脯米茶粿
鹽水雞
甜不辣
賴阿婆芋圓
阿里山茶
珍珠奶茶
苦瓜汁
水煎飽
花枝丸
鹽酥杏鮑菇
丹堤咖啡
粉圓
冰糖水果
牛肉麵
貝果
牛舌餅
漢堡王

未計其他試食(麻糬鐵蛋etc.)
仲有飲左好多便利店盒仔野

I can give you gatsby。

最近,木村個廣告幾搶.......
我係指隻歌。
I~~~can give you gat~sby~~~~gatsby~~~
XDDDDDDDDDDDDDDDDDDDDDDD。
不過真係幾好聽。

呢個都好正。
The Stylistics X SMAP - Can't Give You Anything

迪士尼奇妙之旅

迪士尼真係好奇妙,奇妙在一踏入去已經natural high。
好好彩,琴日天公造美,d雨落左一陣就停喇。
個獅子王慶典真係超好睇,真心推介!!!
米奇幻想曲d歌真係好好聽,阿拉丁小魚仙美女與野獸獅子王,全部都係我好中意既歌!!!
幸會史迪仔.....好無聊,但都幾好笑。
就連小熊維尼歷險之旅都好好玩,入面d小pooh pooh真係得意到死。
最好玩既,一定係space mountain。仲要唔使排隊,連玩兩次!!!
夜晚個煙花,冇得頂!!!
不過個parade就遜色d啦。
基本上,迪士尼入面所有野都好好。最差既就d自由痕!!!打我尖?!未死過。
0係迪士尼入面就好似發夢一樣咁開心,真係唔捨得走。

邊個話迪士尼唔好玩?
我覺得真心好玩喎。
I LOVE DISNEYLAND!!!!!

P.S. 下次一定要再去搵唐老鴨,我的美女belle同白雪公主。

訓唔著啊。

可能呢幾日慣左溫書到天光先訓,而家訓唔著。
琴晚冇乜點溫書五點上床訓到要典到六點先訓到。
今晚考晒試,想早d訓,典左成個鐘,但都係眼光光。
個頭其實有d痛,但都係訓唔到。
個腦不斷咁轉,諗好多野。
最後既一場考試唔知合唔合格,去台灣玩咩,姨婆今朝講既恐怖野,.....,再數埋綿羊。
算了,係咁逼自己訓著都冇用,索性起身打下blog,或者睇下書,睇下日劇。

今日場考試,我一路做一路驚。由頭到尾,冇一個字我係好肯定咁寫落答題簿度。
一路諗:呢次仆街喇,我唔想肥呀,我想畢業呀。
跟住不斷咁希望上天可以比埋最後一次既運氣我。希望阿公會保佑我。希望觀音娘娘保佑我合格。
最後既一場考試,我竟然會咁樣考得咁差。
老實說,雖然我上堂係冇乜聽書,但呢個考試我唔係冇溫喎。d野幾難背我都硬食背晒,但竟然完全寫唔返出黎,我唔甘心囉。
最灰既係自己完全唔識,但聽到人地講:呢份卷好淺。然後不斷討論呢度點答條數點計....
已經完全一個字都聽唔到,只有一片空白。
考完比未考前仲要擔心一萬倍。
但咁又點,可以做到d咩呢?唯有既係希望仲有d運。

個頭仍然有d痛,但都係完全冇睡意。

不得不佩服日本人既認真

連放屁都咁認真討論。
但實在笑死我XDDDDDDDDDDDD

幽默感

主唱：何韻詩
作曲：hocc @ goomusic
填詞：黃偉文
編曲：青山大樂隊
監製：青山大樂隊/hocc @ goomusic

在最壞最壞那日　遇最壞最壞那事
是他讓生命不用壞到底
在最悶最悶那刻　陪最悶最悶那位
是這段配樂　托起一切
還未領略　絕招的真諦　現在就來具體

在假日裡沒節目　電腦又發現中毒
換衣服出外身段又發福
下雨避進郵政局　又見舊愛人殺出
而你頭髮上有餅乾碎
霉運繼續來　若果不反對　現在是時候哭　
或另尋下台路　不哭

當你步行在那漫天槍炮下　當你昨日抱著的跟了他
當你造型受到大眾的責罵　即管講笑話
就劃圓稜角吧　由事情漫畫化
矛盾地笑一下

在最壞最壞那日　遇最壞最壞那事
像失業之日　車又撞了燈
在最悶最悶那刻　陪最悶最悶那位
連那人也嫌你不吸引
危難拍著門　若果躲不了就迎著　極殘酷一生
自行落調味品

當你步行在那漫天槍炮下　當你昨日抱著的跟了他
當你造型受到大眾的責罵
急於找撮沙　往上爬
來劃圓稜角吧　由事情漫畫化
矛盾地笑一下　會自嘲嗎?

為何為何運程極差　問為何運程極差
實在條問題問得都算肉麻
自豪地承認它　在台上談論它
用遺憾提煉出搞笑吧
情願怕它　還是笑它

當你運程壞到箭咀都向下　可以借力製造一批笑話
起碼別人願意話你風趣吧　捐出安慰 加送熱茶
當你被評力作在水準以下　當你背著個負資產養家
當你未籌大志就已衰老吧
不必找撮沙 往上爬
能學成諧趣吧　能學成滑稽嗎
惆悵未算可怕　能笑著笑走它
別自尋煩惱吧　由事情漫畫化
來蓋住那傷疤

source from:hocc.cc

輕鬆ｄ啦香港人~

阿金肚痾記

聽聞狗狗可以食木瓜
前幾日見老豆咁0岩又切木瓜食
於是就提議切少少比佢試下
本來都好地地
點知琴日下晝開始佢就肚痾
雖然肚仔唔舒服
但佢都好乖
想痾都唔敢0係屋企痾
只會"嗯嗯"咁叫希望我地帶佢去痾
屋企冇人佢忍唔到就自己走入廁所痾
乖到咁我都唔忍心鬧佢
一直痾到今朝
媽媽話佢咁痾唔係辦法
於是一早就叫醒我的佢去睇醫生
醫生話佢都唔肯定係咩事
但好可能木瓜糖份太高佢頂唔住所以搞到肚痾
其實我真係唔知究竟係舊木瓜事
定前日我比佢飲冰水事
定抑或係個包水貨狗糧事
但佢肚痾又搞到媽媽冇左九百幾蚊
都一定係因為我餵錯野比佢食
我真係有d內疚
其實有時我覺得我真係唔係一個好主人
唔識照顧佢不特止
帶佢出街又控制唔到佢搞到佢好似癲狗咁
我覺得好冇面
究竟要點先可以教好佢呢?
對佢太惡我覺得佢而家都唔太中意我
我真係一個唔稱職既主人

講返肥仔金
醫生話佢過重
今日要禁食之後就食腸胃敏感糧同減肥糧
其他野食都"no"
所以大家都要硬起心腸
唔好比佢個懶可憐樣呃到

五月五日JUMP!!!離開地球表面!!!

同上年比較,仲差一d。

不過依然係正啊!!!!

怪獸0係台上面彈結他真係好型!!!

好可愛呀!!!

大學的最後一個上課天

個感覺好怪…..
就算中學我last day我都冇乜特別感覺,但反而大學就有總怪怪既感覺,可能因為呢個亦係學業生涯的最後一日吧。
不過,當上到最後一堂時發現原來仲有功課要交,拿拿淋忙於抄功課既時候,怪既感覺即刻消失。
最後一個上課天,結果同平時一咁渡過了。

韓食...正!!!

之前同成班韓文同學同miss去食韓國菜。嘩正~想食韓國菜好耐喇~~

前菜?應該點叫?總之就係side dish啦~好食啊~最緊要係唔使錢......叫佢拎多d黎先~(用韓文問佢實比哈哈)

side dish既韓文就係....

發音係:ban chan

食飯前排排坐聽老師教點讀~大家一齊讀啦~ban chan~

勁呀miss~竟然可以叫佢地餐廳送幾碟炒年糕我地試下...仲要咁大碟~紅卜卜,好似好辣...實質都真係幾辣...但真係好好食~~清晒~~係我成晚既"飛佛"呀~~

呢個唔記得叫乜東東....係用d菜包住d肉同其他野食.....我試左塊芝麻葉....陣味好怪...唔識形容...唔好食......

大"chong"餅...真係成棵"chong"0係塊餅度...oh no....

牛仔骨~嘩正呀~呢度一客已經要幾舊水......每人分兩舊試下個味jar.....但真係好食~

中間個盤係唔知咩湯麵...有牛肉....右邊既係雜錦飯...好味呀~~~

食飽飽大家0係度閒談,睇我幾精靈曉望鏡頭~

飯後黎個大合照先~

位位承惠一百個大洋,多晒~

Wiiiiiiiiiiiiiiiiiiiiiiiiiiiiiii

Boxing真係好好玩!!!
好想快d買返部呀.........但我要忍!!!!!

.........

究竟邊條茂利話唔夠功課想做多d架???
而家份份都唔識做呀.....
痴線....

．．．．．

身邊d同學仔已經開始搵工,有d甚至已經去左見工添。但,我冇諗過真係要咁早搵喎。
已經聽到有好幾個人將會去日本三個月學日文,其中一個包括KAIRI小姐。唉我都想去外國住一段時間呀,邊度都好啦。韓國又去唔成。好羡慕...
有d以前friend既朋友,好無奈地而家只變成hi bye friend或者係吹水朋友,呢種感覺真係極差。一係永遠都唔好見,再見時個種無意義既寒暄只令自己更覺無奈。

新居

搬左過黎新屋。
還未安頓好,一切都好混亂。
求其插好d線開部電腦,為我個fyp present做野。
唔係好順利,但算啦完成左都唔會唔合格卦。
輕鬆晒。
都係今日先搞好上網,但,呢度上網好慢。
講返新屋,唔方便左十一年,突然間方便到落樓過條馬路就有飯食我有d唔習慣。
返學都只係三四個字到連閤眼訓既時間都冇。
嘩,實在方便到喊。
呢度食飯真係very good。
屋企對面個間「九龍居」將會成為我地個飯堂。
又近又好味又抵食。
安頓好晒之後,歡迎大家黎玩下「唔好嘈醒daddy」。

陳永仁叫劉建明!!!

Dear 花無缺:

喂,你仲記唔記得我?我今日執野時搵返你成疊既手紙,我冇掉到啊~睇左其中一兩封真係笑死我。我唔記得個時有冇同你講過,其實你畫d公仔真係好得好好笑~

仲有個時我地每一次回信都要大對方一張紙...哈哈點解我地可以咁無聊!?

同埋你寫既上款下款......哈哈真係笑死我!!!!

呢疊野我諗我唔會掉。

送你一張負離子韃虜,嘩經典啊。

小魚兒上

P.S. 你應該知我係同你講卦?!(唔知你仲記唔記得)

PUFFY HIT & FUN

今日終於都買到PUFFY新個隻精選碟HIT & FUN。
對上一次買佢地既碟係NICE,都已經係03年既事。
唔係我唔想買佢地既碟,只係中間呢一段既時間佢地都唔出港版,我都冇特登去搵佢地既台版買。
同埋佢地又無啦啦走去美國發展,出左好多重覆有夾幾隻新歌既碟,日本又唔知出左d乜,非常混亂,我都唔知佢地中間究竟出左幾多隻碟。
講返呢隻HIT & FUN,二十首歌,十六首我聽過,有四首未聽過,其中一首係新歌(オトメモリアル)。
但個十六首入面,好多首我都ma ma day。
其實由NICE開始,我都已經記麻麻地佢地既歌。
我覺得絕對係因為冇左奧田民生既關係,即刻連人氣都下滑。
我明白冇可能要佢地永遠都keep住0個個形象0個種歌路,畢竟都已經咁多年。
而且又已經囡都生埋(ami),更加冇可能要佢地仲扮cute。
但真係好懷念佢地t-shirt + 牛仔褲 + red wings既年代。
(個時既我因為佢地好想要對red wings添)
如果要我嚴選佢地十一週年既二十首精選,呢隻HIT & FUN將會如下:
1. アジアの純真 (amiyumi)
2. これが私の生きる道 (Jet CD)
3. 愛のしるし (Jet CD)
4. 春の朝 (Jet CD)
5. サーキットの娘 (Jet CD)
6. 渚にまつわるエトセトラ (Jet CD)
7. MOTHER (Jet CD)
8. 日曜日の娘 (Fever*Fever)
9. 夢のために (Fever*Fever)
10. パフィー　ｄｅ　ルンバ (Fever*Fever)
11. たららん (Fever*Fever)
12. 誰がそれを (Fever*Fever)
13. Stray Cats Fever (Fever*Fever)
14. ブギウギ No.5 (SPIKE)
15. スーイスーイ (SPIKE)
16. 海へと (SPIKE)
17. パフィーのルール (SPIKE)
18. Tokyo I'm On My Way (splurge)
19. 這是我的生存之道 (“これが私の生きる道”國語版)
20. 愛的証明 (“愛のしるし”國語版)
對一對呢個歌list,同”The Very Best of Puffy/ amiyumi jet fever”有八成一樣。
老實說,我真係中意上隻精選多d。
不過,佢地未到解散既一日,我都仲會繼續支持佢地。
(只不過我都只係識繼續唱這是我的生存之道。)

亞細亞之純真。超勁!當時連續十二星期卡啦ok榜第一位!

呢件仿tiffany & co. tee係超靚。

狂呼!!!!!!!!!!!!!!!!!!!!!!!!!!!!!!!!!!!!!!!!!!

我終於搞掂晒個fyp喇!!!!!!!!!!!!!!!!!!!!!!!!!!!!!!!!!!!!!!!!!!
我要高叫!!!!!!!!!!!!!!!!!!!!!!!!
我要take a break!!!!!!!!!!!!!!!!!!!!!!!!!!!!!!!!!!!!!
我決定今晚睇左套g@me佢,見下我久違既直人!!!!!!!!!!!!!!!!!!!!!!!!
YEAHHHHHHHHHHHHHHHHHHHHH!!!!!!!!!!!!!!!!!!!!!!!!

最佳回答

有日我0係yahoo知識度search緊野時見到一條幾得意既問題,
於是無聊就打左個答案玩下。
結果我呢個答案竟然成為最佳答案,哈哈。

問題如下:
型男同靚仔有咩分別?(徐字眼外)
我的答案:
型男唔等如靚仔
靚仔都唔等於型男

靚仔可以只係樣靚但外型唔得
型男可以只係外型得但樣唔靚

例: 任達華樣唔靚但絕對係型男
田亮係靚仔但稱唔上係型男

可能就係我個例子令我可以突圍而出。
我有讀過中化架,我識舉例說明架。

哈哈。
http://hk.knowledge.yahoo.com/question/?qid=7007030801781

三月。

偷懶一下上黎打個blog。
三月有好多死線同測驗,好多野要做。由月頭到月尾每個星期都有野要清,完全唔係可以hea既月份。希望可以快d過,因為呢個月唔係我既月份。
終於定左搬去邊,大家都安樂晒。即係話我都要開始執野。
十年既野真係唔知由邊度開始執起,我想所有野都keep返晒,全部都係我十年既珍藏,當然都有眼冤野。要執真係有排執。
十年,當然會唔捨得呢度,畢竟我既青年時代係0係呢度過。有好多回憶,最好既朋友都係住呢度。記得細個要搬入黎既時候,個時係五年班,我同細佬都好唔想搬走,唔想比第二個人住我地屋企,於是臨走之前將房既牆畫花晒。
不過,而家雖然係有d唔捨得,但反而期待既感覺更大。或者去到一個新環境,會有新既發展,有更多既機會,亦都希望轉一轉運。
三月,真係想快d到月尾。

一周年。(有好多相,請耐心等候)

因為我唔知道阿金真正既出生日期,所以上年我地定左,佢黎個日,即係2月27日係阿金既生日。話咁快已經一年喇。肥金豬都兩歲了,希望你越來越乖,越來越聽教,仲有唔好再肥落去喇。我地全家都鍚晒你>3<~
今日生日,有大餐食。開左罐雞湯罐頭(佢至中意),又有菜,又有魚,又有糧。放肆一日咁多啦!

等食中....

食得未呀?

睇下金哥食得幾滋味~

最後個兜清晒~幾乾淨~


比個一年回顧你地睇。

初黎步到。

最中意扮乳豬全體。

都有英既時候既。

煙牛骨好食呀。

變左白皮豬,好搞笑。


"大"龜與"小"狗。


睇佢訓得幾失禮。

有時又匿埋訓。

有時又用蟲蟲當枕頭訓。

前排好凍成日都跳上梳化訓。

媽媽整左頂帽落佢件披肩度,即時變左"小黃帽"。

睇下佢個大屎忽,唔好再肥喇,去睇醫生實比醫生鬧喇。



金豬,永遠都愛死你!!!

歡樂嘉年華

新年假期咻一聲就過左。我好似咩都冇做過咁。
最後個日狂歡三寶去左嘉年華。學jill話齋,生活枯燥,玩下機動遊戲叫下調劑生活都好。
我,終於都沖破左個心理關口,夠膽玩機動遊戲了。
等個時好驚,但上到去就唔驚了。
原來唔死得架喎,仲幾好玩添。
但始終都唔敢玩跳樓機,個G-Force就更加唔好預我。
比我一步一步去克服佢好。
不過竟然玩左兩次大風車。
真係多人到嘔,等兩個鐘,玩一分鐘,如果玩跳樓機仲蝕,三十秒。
其實係幾傻仔,不過狂歡三寶圍威喂幾開心丫。
下次去海洋公園,我仲未睇過水母館呀。越礦飛車都未玩過呀。

仲有,究竟幾時先可以去到迪士尼呀?

好啦好啦,我認我係痴線喇。

當我中意一樣野或者一個人既時候真係可以好痴線。
呢期痴線就係因為呢個須賀英一郎。
就係我前幾篇話好想睇返既LOVE REVOLUTION入面藤木直人做既須賀英一郎。
係呀我終於搵到呢套DVD。
年初三睇到朝早五點終於睇晒。睇完個結局心情久久都不能平伏。
太好睇了。世界上有一個咁完美既人就好了。
之前仲睇晒西洋古董果子店。
剛剛開始睇SLOW DANCE。
仲有套給深愛的你等緊。
搵到套新高校老師就好喇。
係啊全部都有藤木直人,我都話我痴左線啦。

拿,一追開劇集就真係死得。
睇開有條癮,勁想搵返d舊日劇黎睇。
好唔心熄咁去搵over time,前幾日又比我搵到喎。
即係話,追完以上0個堆日劇之後又多一套喇。
呢云真係死得啦乜都唔使做喇。

(題外話 : 我中學年代睇既日劇大部份都係鳳凰衛視播,LOVE REVOLUTION, OVER TIME, WITH LOVE, EVE, 輕輕緊握你的手,仲有一套小報,全部都好好睇,不得不讚以前既鳳凰衛視真係識買劇,衰在係國語配音)

你地好奇怪點解我會咁得閒煲劇?
因為我過年冇野做囉。年初一年初二都冇頂去,年初三都只係夜晚食飯團拜。
你話唔煲劇煲戲仲有乜做?!

須賀英一郎 :love:

小野裕介

芹沢英介

呀....唔記得講....我終於到真人版既明智警視喇.......佢就係須賀英一郎!!!

(比我繼續痴線落去吧。)

豬年願望。

希望家人平平安安,
一團和氣。

衰運快d走,
好運快d黎。

Madonna - Confessions Tour

真係勁正。
視覺效果一流。
個d鞍馬呀鋼架呀睇到我嘩嘩聲。
佢將d手手腳腳扭來扭去真係勁好睇。
仲有我諗只有佢先夠膽著d緊身衫同高叉泳衣上台,仲要著得咁型。
歌唔使講啦,正。
唔怪得d人要特登飛去日本睇。
我有錢我都會咁做。
總之就冇得頂。


煲完麥當娜,跟住到何韻詩。

明明係冬天

但溫度有成二十幾度。
最過份既係冬天竟然係著短袖,
咁d長袖衫點算?
咁d大褸點算?
咁d靴點算?
最重要係,我仲點著我件新衫?

就連對氣候有三十年研究既陳強尼都話,
夏天可能會四十度….

前排無意中睇左套絕命真相(The inconvenient truth),
原來係戈爾講global warming既演講紀錄片。
但一d都唔悶,仲學到好多野。
好多人都覺得, global warming係theoretical既野,
但話你知,0係南極已經有一個冰架層0係短短一個月內完全融塌左。
連科學家對呢個速度之快都嘖嘖稱奇。
佢仲講左個故事,話一隻北極熊游左六十哩先搵到一塊浮冰,
當佢想爬上去抖下既時候塊冰因為太薄而裂開左。
最後呢隻北極熊因為搵唔到可以棲身既浮冰而浸死。

明日之後入面既災難可能真係誇張左好多,
但如果我地再咁樣破壞個地球落去,
若干年後冰河時期到來既速度一定會加速。

二十四度既冬天係一個警告,唔想香港既夏天四十度的話,
就請支持環保吧。

愛情革命

突然好想睇返籐木直人同江角真紀子套LOVE REVOLUTION。
因為呢套野所以中意籐木:love: 。
好想睇返咀角會發閃光既籐木( >3< )。


大家如果見到邊度有得買vcd或者d/l講聲比我知丫~搵得好辛苦呀!!!!

其實有好幾套舊日劇都想睇返,例如overtime(都係江角的)同with love。
老實講我真係幾中意睇江角真紀子。
以前常盤貴子都中意睇架。
不過而家都好少見到佢地lu。
(江角新個套唔知咩律師我都仲未睇。)
當然唔少得不婚男阿部寬啦。

始終,我都係最中意睇日劇。


最近我都諗點解我會突然堅持要學好韓文。
點解唔係日文呢?
可能睇東張西望見到阿宋芝齡用韓文訪問阿rain好型卦。
可能我中意睇韓片卦(唔係韓劇)。
(其實有時d韓片老土得黎會突然間有d位可以好感動我,係呀我幾老土架。)
可能我想睇得明d韓國護膚品同化妝品上面d"時文"卦。
其實我諗最大原因應該係我要懶型囉。
人人學日文我偏要學韓文。
係囉,就係咁簡單。
但希望我可以堅持落去。

你地做証,如果我畢業我唔繼續學落去就鬧爆我啦。

言歸正傳,記得見到邊度有LOVE REVOLUTION單聲比我知呀。

講故仔。

從前，
有一個好好味牌果汁o者喱，
包裝上寫住「警告：不可食用!」，
最後，王子同公主就過住好幸福既生活啦。


王子吻了公主，
王子變了冬菇，
公主變了雲腿，
他們從此係煲仔入面，
過住好焗既生活。



多謝收睇。

呢ｄ咪就叫靚仔囉。

好乾。

近來既天氣真係好好好好好好好好好乾燥。
搞到我d皮膚乾都嘔.....
我感到我塊面既水份係完全被抽乾晒.....
搽幾多保濕都冇用......嚴重地乾......
未凍個時就想凍d,但凍左天氣乾燥左時又唔想。
真係矛盾。

兩個一樣既人著住一樣既校服用一樣既電話一齊係度打機....
哈哈so funny~

Live in Unity.

睇左三場,
一場都冇失望過。
勁呀,何韻詩。

後悔

真係極後悔極後悔take左fyp。
我唔係個d中意向難度挑戰既人,每次比hi fi張挑剔完後我都有種死得既感覺。
做左十幾年填鴨,要我突然去創新比登天更難。
老實說,我已經習慣左做填鴨,我都中意做填鴨多d。
take fyp簡直?苦黎辛。
真係好累好累。
我而家只想快d了結佢,exam時唔好比hi fi張問到口啞,求其合格就算。

日劇。

從新再投入日劇既懷抱~
繼之前既不婚男,到My Boss, My hero....跟住到而家既交響情人夢....
嘩....完全迷住左囉。
尤其係交響情人夢,真係所有角色我都咁中意....
見到清良拉小提琴咁型,又諗起細個時媽媽唔比我學拉小提琴既原因....(完全係荒謬絕倫)
假若我都有學就可以好似清良咁型了。(笑)
nodame第一集已經比佢完全吸引,真係好可愛呀佢~
玉木宏以前唔中意佢,但睇完小丸子同呢套開始覺得佢幾靚仔又好笑~正~

不過...睇完喇......好失落.....
post下劇照先~


真澄&nodame....nodame真係好白痴~


chiaki sama~>3<
(唔係有心偷圖,如果係你既唔好意思)

沉醉完畢。
(討厭FYP死開一二便啦!)