聖誕零五

click to enlarge the photo

"怪"誕快樂!!!!!

講你都唔信。廿三號個晚我去了聽福音佈道會,係我自從小學三四年級之後再一次參加基督教聚會。媽媽一聽到我去了邊度後第一個反應係:「啋!」

以前小學仲住九龍既時候媽媽都比我同老弟去參加咩聖經福音班。好奇怪,屋企拜神,但點解媽媽會比我地去聽耶穌呢?我諗可能係媽媽自己想有幾個鐘既空閒時間卦!?不過個時我同老弟都好樂意去,唔係因為覺得聖經故事好好聽,只係因為個度d飯好好食!!!(諗起都覺得好笑。)

後來大個了都冇再去呢類聚會了,而且仲對基督教天主教好反感。不過近幾年開始就慢慢接受返了,唔係話我開始信基督教天主教,而係我覺得宗教信仰起始都係導人向善,而且佢對一個人的影響真係好大,其實值得尊重。就好似個日做分享的個位先生,我確實相信佢係潛意識去拒絕佢個班社團兄弟,我確實相信係信仰令佢變返做好人。

有宗教信仰係好事。但與其要我去相信耶穌,我更加相信我自己,我屋企人,我既朋友,因為,佢地比任何一樣野更加實在。

講完宗教,講下聖誕。突然間諗起小時一樣關於聖誕既事(好可能你地都有同樣既疑問!)。每逢聖誕總會收到姑姐姑丈寄來既聖誕卡,上面一定會用簡體字寫住「聖誕快樂」。個時係度諗,「點解姑丈會寫"怪"誕快樂架呢?」我係直到我讀中學先知原來那個係"聖"字既簡體,唔係"怪"字.....但就算而家我識個簡體字,我依然會下意識將佢讀左"怪"....哈哈

今日聖誕節,祝係唔係基督徒既你都「"怪"誕快樂」!!!!!

P.S. 希望我之前講既宗教立場唔會令到基督徒朋友反感>.<"
再P.S. 其實如果基督教同佛教比我揀,我都係會揀佛教囉。
再再P.S. 係呢~我又買左新玩具喇,係Beauty Counter呀~好靚呢~又影左好多相呀,去相簿睇下啦~~~

哈利波特

人真係犯賤。考試的時候每日都可以很快入睡,而且睡到黃朝八晏。但可以大訓特訓既時候就竟然眼光光等天光,真係賤命。仲搞到要別人要等我成十個字咁耐,真係衰女。

作為哈利波特既fan屎第四集上當然第一時間去睇,不過睇完真係好失望。若果大家係冇睇開書又唔係fan屎的話我都唔游說你地睇,因為反正睇完都唔會明。

今天在路途上意外地遇見瑛瑛,但我竟然呆了一秒鐘才認出她。(天啊,我想我是提早老人痴呆了。)真的太高興了,正想找她的時候就撞到了。Baby,希望你心情快快好過來吧。


同場加映:「宮保雞丁」。其實阿雞丁都幾得意。

__________________________________
嘩嘩嘩嘩嘩嘩嘩!!!!!!!!!!!!!!!!!!!!
魔盜王2有trailer喇!!!!!!!!!!!!!!!!!
一定睇啦~就算好似哈利波特咁會失望既都唔怕。
有我最最最最愛既depp佬仲有olando就抵返啦哈哈~
快d睇trailer啦~

wow oh oh!!!!!!!!!!!

讓我高呼一下:WOW OH OH OH OH OH!!!!!!!!!!!!!!!!!!!!!!!!!!!!!!
終於考完試了!!!!!!!!!!!!!!!!
我要去睇戲!!!!!!!!!!!!!
我要去唱K!!!!!!!!!!!!
我要去見見我親愛的朋友!!!!!!!!!!!!!!
我要過我想過的生活!!!!!!!!!!!!!

我要dump晒我所有碌屎佢!!!!!!!!!!!!

十六小時

現在是凌晨二時二十一分,距離明天最後一科考試還有十六個小時多點。
我還有兩課碌屎未溫,雖說還有十六小時,但不想再拖,希望睡前把它們看完。
今天尤其心散,可能這十六個小時,有十小時我都是在做其他東西。
天啊。為何這個歷時兩星期的考試感覺卻像兩個月?!
然而這十六個小時感覺就像一年?!
巴不得現在是坐在以光速行駛的飛船來渡過這十六小時!

(They Long To Be) Close To You

考完第一科後無名的緊張消失了。
我想我之前可能是忘記了考試的情況吧。

昨天早上發了一個夢,一個感覺真得連自己都信以為真的夢。
所以,都不願醒來。

-----------------------------
Why do birds suddenly appear
Every time you are near?
Just like me, they long to be
Close to you.

Why do stars fall down from the sky
Every time you walk by?
Just like me, they long to be
Close to you.

On the day that you were born
The angels got together
And decided to create a dream come true
So they sprinkled moon dust in your hair of gold
And starlight in your eyes of blue.

That is why all the girls in town
Follow you all around.
Just like me, they long to be
Close to you.
-----------------------------
我最愛的英文歌。(可是carpenters的版本不算是我的最愛。)

E^2 = p^2 c^2 + m^2 c^4

問題:

How to derive E^2 = p^2 c^2 + m^2 c^4 ???

如果有好心人士識請指教.....

後按:唔使喇各位,我識喇,原來tutorial有derive....

Week 13

week 13, sem A最後一個week。
最後一課普通話我有點感到可惜。
我想,我是不太適合大學這樣短的上課時間。
感情在短時間內很難培養,培養了也很難維繫。
(應該說沒有什麼人真的想會跟你維繫感情)
沒有像中學般那種很親密的、像一家人的感覺。
實在很懷念很懷念。

week 13了,還有一個星期多點就要考試。
如我所料,這個學期實在不太樂觀。
怎樣才可以將溫習的動力推至高考時的七成?

不公平

今日頭條:

無證少年監生鬱死

沒想到,在同一個城市裡,會有這樣的一個悲劇少年。
同是十五歲的一個朝氣勃勃的年紀,他卻走到了生命的盡頭。
是誰對他這樣的冷酷無情?是他的父親,還是上天?.....
其實世界從來都是那樣的不公平。

老天,多謝你這麼的愛護我。

長髮拜拜

各位,我今天終於把心一橫把五年的長髮剪了。
髮型師問我:「有幾冇試過短髮?」
我想了想,噢,五年了。
但沒有不捨得,因為其實早就想把頭髮剪短。
現在很好啊,很喜歡。
不過希望可以留得耐吧。
















別誤會,我冇電曲,只係個髮型師幫我gel到咁靚。
但我整唔到佢咁靚.......應該遲d都要聽佢講去電lu。

完成了

終於都把東京的遊記徹徹底底的完成了,足足拖了三個月時間。
天啊,假若我是靠寫東西吃飯我早就餓死了。
大家有時間把其餘的看完吧,不過其實只是一些無聊的東西。

談近況

現在是接近零晨二時。還未想睡。
來談談近況吧。

最近很喜歡下載外國的電視節目看。

最近有很多負面情緒。
最近的胃口很好,經常都在吃。
最近都忙於應付無聊的功課及測驗。
最近都在煩惱著考試如何是好。
最近我發現原來自己比較喜歡沉浸在負面情緒中。
最近好像比以前肥了點。
最近都不太喜歡上學。
最近都沒有買過些什麼衣服鞋襪。
最近連玩具都沒有買。
最近都在想朋友是怎麼一回事。
最近我好想剪頭髮。
最近很喜歡一個人在路上聽歌。
最近已經沒有再發奇怪的夢。
最近經常在胡思亂想。
最近我好想我討厭的那個人快點消失。
最近一直在想有一天我可會一個人到外國去。
最近我都在聽英文歌。
最近我成為待在家中時間最多的人。
我想都差不多了。

唉唉唉唉唉唉唉唉唉唉唉唉唉

好沮喪......成份功課都唔識....
就連好基本既differentiation我都唔識....
天啊!有邊個可以幫我?!
如果你話有個d法寶可以唔使上堂唔使溫書就咁食左本書就乜都識既你話幾好....
其實係有好多野做好唔得閒,但忍唔住實在要呻一下......
仲有星期五既mid term....我唔想又死一次呀.....
但...唉....我唔樂觀囉。

========================
朋友,我覺得你都唔係咁了解我囉。
有時候我真係覺得其實我同你都唔係真係咁熟。
========================

好,撤退了,如果唔係我會繼續沉淪....

重要嗎?

三科mid term有兩科不合格。
我有溫書架。
Oliver說「讀咁多年書唔等於識讀書,即等如做左咁多年人都唔識做人一樣」。
點解你突然間講野可以咁有道理?


放棄既念頭一直都冇離開過
只是從來都沒有這樣的勇氣

蕉蕉合皮巴乎地

.
.
.
.
.
.
.
.
.
盡在不言中。
等你回來,我們一起狂歡吧!!!
*狂歡三寶*

異於常人

今日,突然有個想法。
其實,我唔係一個普通人。我係一個好特別既人。
係心理測驗裡面講既「有個性既人」。
講得好聽。但正確點黎講係「另類古怪」。
「中意同有個性既人交朋友」。
我諗,都算0岩。因為我最好既朋友都係有點不正常。
係囉,就係我之前講過既物以類聚囉。
係囉,「電車女」。

朋友....
唔識講。感覺遲鈍。
冇感覺。

小食部的糖果零食

仲記唔記得細個小學個陣一放小息即刻拎住幾蚊衝到去小食部度買咩零食?(以前最多都係廿厘蚊,邊度好似肥仔以家個銀包入面有五百蚊大紙咁富貴呀?!)其實我細個時都唔會成日去小食部買野食,因為我係自己帶野返去食嘛。不過有時都會同同學仔買一兩次應酬下既。講起上黎都已經好耐既事lu,今日同媽媽係元朗行一間零食批發店,見到好多以前細個成日食既糖,好令人懷念啊。

小時候常食既糖果有:
爆炸糖

最中意就係食爆炸糖,貪佢係個口入面霹靂bala咁爆既感覺,好得意。

可樂罐糖同橡皮糖

可樂罐糖有另外一隻提子味,不過我都係中意食可樂味多d。橡皮糖就一定係相入面呢隻(因為平嘛),以前會特登揀多d黑色先買,今次都係,揀左有三粒黑色既,其他得兩粒jar。

飯碗糖同可以自己"jit"既朱古力漿甜筒

其實飯碗入面只係好普通既糖粉,好呃錢。不過個時真係會用個隻咁細既匙"更""不"黎食,諗起都覺得白痴。至於個隻朱古力漿甜筒,其實唔好食,只不過貪過癮先買黎食。

陳皮柑桔無花果等酸既野

有時候我都會買呢d酸既野食,好似呢盒無花果咁。仲有好記得一種我地叫佢做「鼻屎」既野,真名真係唔知叫乜,係一粒粒好細黑色既野,用一個圓筒膠樽入住,我成日都買黎食架。仲有,好似逢親呢d酸野都會有一個男人頭係包裝盒或袋上面,好奇怪。

唇膏糖同戒指糖

呢樣野真係經典。我通常都係食唇膏糖多,拎住支糖黎"chun","chunchun"下真係會當唇膏咁搽個咀然後"lam"返,一個小息食唔晒會收埋用個蓋蓋住下個小息再食...仲會食到成手痴笠笠....諗起都覺得核突兼唔衛生。而家都仲有得賣呀,不過又有一d新款既叫怪咀糖,點樣怪法?聽日搵真人示範比你睇。

其實仲有好多野架,我記得仲有一隻一條好長既糖,用紙包住既,好硬,但又好痴牙既,有士多啤梨味同提子味。仲有賣五毫子包既紫菜、魚肉香腸、一d都唔好食既尤魚絲等等。我既小學年代已經係九年以前既事lu,唔知而家小學小食部係賣d咩呢?如果都係賣呢d咁咪一d都冇進步過?

我終於可以同carrie看齊喇

呵呵,睇下幾靚!!!


P.S. 連續兩星期既mid term終於完了,每次測完都感到一陣無奈,因為唔識,係好x多唔識,唉。

因為咩先喊睇自己性格

因為咩先喊睇自己性格
排一排自己最易因為咩原因喊
1係最易﹐5係最難
5個選項係
- 感動
- 傷心
- 痛(肉體﹐唔係心靈)
- 俾人激
- 擔心/緊張






感動
唔係同你好熟d人覺得你係..
揀1 - 一個收收埋埋既人。好有神秘感。唔容易接近。
揀2 - 一個好識得關心人既人。好易觀察到身邊有人唔開心。唔會好易講錯野。
揀3 - 一個傻傻地既人。無禮頭。想做乜就做乜。不過好cute。
揀4 - 一個唔識諗﹐成日要人擔心既人。(尤其係長輩)
揀5 - 一個好聰明﹐好負責任既領導人。對你好尊敬。

傷心
同你好熟既人覺得你係..
揀1 - 對好多事要求好高既人。不過好多時候太過固執。
揀2 - 可以同你講道理。黑白之間分得好清楚。
揀3 - 心思好細膩既人。好多時候傷心唔會show出黎﹐不過其實大家都睇得出。
揀4 - 會諗好多先會做決擇。唔想自己俾人睇低﹐自尊算係好強既人。
揀5 - 外鋼內柔既人。知你內心唔係咁堅強既..

痛
你想人地覺得你係..
揀1 - 好需要人保護既人。
揀2 - 唔係咁易接近既人。
揀3 - 好人一個。好關心身邊d人。唔怕做犧牲
揀4 - 好聰明﹐不過又唔驕傲。
揀5 - 好清楚自己想乜要乜既人。

俾人激
你最希望你情人係..
揀1 - 同你好合拍。你同佢諗既野係一樣﹐唔晒問就知對方要乜。
揀2 - 唔會好易發脾氣。要識得容忍你。外鋼內柔。有自己既性格。
揀3 - 內心係好得意既一個人。你估唔到佢下一步會做咩。
揀4 - 好細心。你需要乜佢都有準備。唔會因為細細既野就煩你。
揀5 - 智慧好重要。管得到你既人。而且要講道理好重要。

擔心/緊張
其實你係..
揀1 - 一個好驚人地會睇到自己係點既人。唔中意自己既性格既人。
揀2 - 孤獨既人。好希望可以同一大班人o係埋一齊﹐不過好多時候唔知點同人溝通。
揀3 - 覺得朋友大過天既人。好珍惜身邊好多朋友。敢愛敢憎。不過你唔中意既人你就唔會多理..
揀4 - 直接既人。好多時候因為咁既性格同人唔夾。希望多d人可以了解你﹐尤其係你中意既人。
揀5 - 唔係好清楚自己將來要乜。不過就好幸運行過半生。唔會對好多也有要求。最重要可以開心過每一日!

準到喊~同kennis玩左都覺準啊~

黎明的crazy classic

情深說話未曾講
對不起我愛你
傻痴痴
那有一天不想你
願你今夜別離去
一夜傾情
今夜你會不會來
藍色街燈
愛情影畫戲
無名份的浪漫
夜夜夢中相見
夏日傾情
不可推搪
我這樣愛你
我的親愛
沒名字的歌無名字的你
我來自北京
兩心知
送你一瓣的雪花
你令愛了不起
只要為我愛一天
傳情達意
深秋的黎明
愛你不愛你

仲有好多好多....黎明既歌好多都好正,尤其是係舊歌!!!以前細個好多人都中意黎明,點解而家冇晒既?但我依然中意喎,想搵個人陪我去睇crazy classic都冇。印象中好似冇去過睇黎明演唱會啊。仲有呀我超中意睇原振俠,個本原振俠特集我仲keep住呀(其實唔係我的好似係表姐唔要我要左)。黎明真係好正啦,人又十年如一日咁靚仔。哈哈唔知自己講乜喇總之佢既舊歌好正啦,要聽返晒先。

I AM REALLY PISS OFF!!!!!!!!!!!!!!!

I'M JUST REALLLLLLY PISSSSSSSSSSS OFFFFFFFF!!!!!!
個條友我忍左佢好耐喇!!!!!!!!!
星期一個日係咁,今日又係咁...........我唔出聲唔代表我冇野,只係代表我更加討厭你!!!!!!
你可唔可以搵一堂收下聲jek?
你知唔知我今日直頭掟筆反檯走人呀?都係因為你呀厚顏無恥!!!!

睇相

今日同媽媽去飲茶時撘檯聽到個男人講野。
佢話「鼻細就錢財上小器,咀細就說話上小器」。
跟住媽媽望下我,話「好準喎」。
咩準?佢話咀細既人細膽又成日哩係屋企。
係咩我聽唔到呢句既?!
不過我唔覺得我個咀細喎。

後按:ok,我認喇,我個咀真係好細,我又小器又細膽又摺,中晒。

唔中意

我唔中意同唔熟既人吹水
我唔中意比人話我同邊個邊個似樣
我唔中意人地唔記得我個名
我唔中意一個人在人多既地方
我唔中意在我唔得閒既時候比人叫我去做第二樣野
我唔中意聽人地講自己點慘點慘
我唔中意比人忽略
我唔中意同人地比
我唔中意唔清唔楚
我唔中意等

我唔中意我一開口講野第二個人又開口講野

我唔中意比人當水泡
我唔中意行後面
我唔中意講野唔望人
我唔中意我講野人地唔望我
我唔中意我講完野後人地即刻轉話題
我唔中意扮開心
我最唔中意就係今日!!!

我就係我

逆耳既係咪一定係忠言?
子非魚 焉知魚之樂
每個人都有佢自己既生存方式,只有那個人先會知道那種方式係咪適合自己
勉強冇幸福


迷你生日蛋糕


好中意sex and the city入面個條carrie鏈,不過相信都冇第二條,或者,冇我個名。呢條係幼左d,但cheap cheap地,頂住先啦。

真係真係多謝晒

真係好多謝所有同我講過生日快樂既人呀!!!!!尤其是係sms個d,個朝當我一開電話個陣個電話不斷咁bibobibo我真係有一種莫名既感動啊!!!!
就連冇諗過會收到佢sms既人都有send......喜出望外!!!!
另外仲有國慶個日一齊踩單車既....kennis小惠阿名becky阿siu,多謝你地既日本菜~仲有呢個生日真係認真難忘啦......第一次出去單車徑踩就已經扯到咁盡...大圍去大埔再返大圍.......我冇死到真係偷笑.....但個屎忽依然好痛囉......
仲有瑛瑛hebe,多謝你地既咖哩!!!
當然唔少得kairi,五件蛋糕......不過食得最開心!!!! jill,如果你係度就更加好了,一定更加更加開心!!!!
其他冇點名既人,都多謝晒!!!!!!
呀~差d唔記得謝子建,雖然係你想食蛋糕多d,但都要多謝你!!!!!
老實說我覺得自己唔抵有咁多野......唔抵有咁多人同我講生日快樂.....我唔值囉.......所以更加令我感動!!!!!
多謝晒~我愛你地~~~>3<

五件生日蛋糕

昨晚kairi請我吃生日飯,到了「意大利的蕃茄」吃自助餐。結果我們二人繼大力女後變身成為大食女,吃了兩個沙律,兩個墨魚明太子意大利粉,一個廚師薄餅,四杯檸檬茶,還有五件蛋糕。噢,天呀,想不胖也不行了!還有之後的bbq、咖哩.......
anway,再一次多謝kairi的這一頓飯,吃得很愉快,很滿足。>3< 釘橋哇哩乜廚。
好可愛既keroro軍曹呀!!!如果有人扭到giroro同kururu既話我願意用十蚊同佢買呀!!!(送比我就最好啦)

有驚無險

今個星期懶蟲上身,結果連續三日都遲到。
話說星期一我九點起身,心諗仲有打把時間先到十點半出門口。但擦擦下牙突然醒起我返十半,有乜可能十半先出門口!?....應該九點半就出門口喎....所以拿拿臨洗埋面換衫跑出門口。真係超級白痴。
今日仲衰,做lab返九半,應該八半就出門口,但我八半先起身.....so shit....所以極速十五分鐘就連頭都冇吹冇梳就跑出去。結果十點先到lab,不過好彩因為琴日個lab火燭,搞到今朝個個都為呢件事而唔得閒阿釘蕉都唔係度,所以我遲左都冇人理。

講起個lab火燭,我琴日聽到話輻射洩漏都幾驚,因為我今日就係0係radiation lab度做,仲諗會唔會可能唔使返。不過結果如上。初頭我而為火燭既係chem lab唔關我地事,不過聽個邊d人話係我地d lab。返到去時個lab真係臭到不得了,好大陣燒臭膠味。我問個lab tec係咪真係呢間房火燭,佢話唔係係隔離喎,所以咪咁臭囉。嘩真係幾驚架,我今日仲要做到十二點半先走得添,足足比人吸多個幾鐘呢陣臭膠味呀,都唔知有冇毒添呀。而且佢仲要係我地做緊lab時整返佢d懷疑係燒?左既儀器,搞到佢個支野不斷噴煙。不過我諗呢單野令到佢地都幾大鑊,因為話火燭個時冇人係lab。我臨走個時聽到唔知邊度既人猛問連生個時既情況,阿連生就解釋話根本個個人就成日都係度做緊野,只係行開左一陣或者去左廁所云云。哈呢鋪佢地真係?野喇,話唔埋釘蕉今鋪都"釘蕉"lu....

Have A Nice Day

這個星期過得很快,而且很快又會到下一個星期。不知從何時開始,我對每一個"明天"都有點恐懼感,不得不承認,漸漸地,我已經完全變了一個悲觀主義者。
不過,這幾天那些小小的恐懼我都沒有太在意,因此心情都沒有太差,可算是件好事吧。

昨天去看了「格林兄弟幻險記」,還是頭一次看到這樣爛的西片。

再前一天接了一份問卷調查的工作,和阿傑到了南山附近"開工"。問了大約五個才有一個回答,說笑著不如自己做一個「什麼樣的人會回答問卷」的調查。以後,在街上或電話找我做問卷的我都會很合作的(不過一向我也很合作的)。

突然想起,原來我已經有好多個月沒有到過銅鑼灣了,我究竟係咪香港人?

蕉蕉,最近都怎麼了?還好嗎?

中秋節我在家裡看電視

不要再問我中秋節到了哪裡玩,大時大節都不怎樣玩何況是中秋。
對呀我都沒什麼朋友,所以哪裡也沒去。
中秋節於我來說根本不是一個節日,就連月餅我也不吃。最多只是一日假期給我百無聊?。
人大了好像對所有節日都提不起勁,嗯,節日本來就是麻煩的,尤其是對於我這類懶人,簡單的就好了。
就快連生日都不想搞些什麼的,吃個像樣點的飯就好了。不過生日禮物倒還是要收的。
by the way有一件事是不太明白中秋節應該是在秋天的中旬吧但為何我還未感受到秋天的氣息?
假若秋天就是這樣的話那快點到冬天吧。

最近的電視劇都很吸引,害我整晚都坐在電視機前追電視。這樣下去的話我的gpa可能還比上年差,還是戒了吧。

好久不見

好耐都冇打過blog了,原因係因為我懶,仲有係冇心情。
其實短短既呢一個星期都發生左唔少事,不過可以講既應該都講晒。
其實都唔算係咩大事,只不過是一點點我個人既問題。在我最需要搵人傾計既時候搵到了,儘管講的對不對,我都學左好多野。
我會記住的。

另外,又一次因為我的懶惰,遊記既進度都變得好慢。不過都睇住先啦,隔離link個度有。

終於都吵了起來。從來都沒有這樣兇過。
我承認我不是一個好女兒,更不是一個有用有為的人。
但我從沒有埋怨過什麼,更沒有埋怨過誰。
我只是不懂得去表達我自己。
若要真的去埋怨誰,我就只能夠埋怨我自己。
當天總總決定都是錯的。

開學日

開學了,要正式上課了。city從今天起又變得十分擠擁了,lunch時間的canteen多人得不得了,真令人討厭。今天只需要上兩堂,返十半放四半,真是輕鬆,大伙兒嘻嘻哈哈的又放學了,但其實新的課好像都好難,都聽不懂。有點兒不習慣那麼早放學回家,感覺很奇怪啊。

遊記只寫了一半,仍在努力中。

我回來了~

我回來了~五日四夜的日本之旅完結了,詳細遲點再說。這次旅程的感覺是刺激悠閒?白痴無奈驚慌喜悅好味手足無措等,但最深刻的都是累,每天都不斷的在走走走,就連自己都驚唉著何來的耐力,真是個超人啊!!!!不過回想過來都是開心的,因為這是第一次自己計劃,一手一腳包辦出來,印象真的是很深刻,而且還不乏我們爆笑的料子。遺憾的是想看的太多,想買的太多,但時間太少,金錢太少,力氣也太小。

放張相給大家看。

相比熱鬧多人的涉谷新宿,我更愛?原宿的悠閒寧靜。

累死了

今天去了freshmen的gathering,見到了好久不見的同學們,還玩了一整天,好開心啊!不過在city走來走去真的很累人,之後還跟kennis到屯門吃飯行街。啊我真是個超人呢!

我的time table改完又改,最後我都要drop了日文take回Noise Pollution。唉,我的三天假期,還是認命算了。(想要minor日文,如果programme leader不做賤人加我們credit的話可能會真的成功)。

P.S. 呵呵~~後天凌晨我就要出發了,很興奮啊!!!好~回來再說,等我的遊記!

meeting gumby

昨晚同瑛瑛吃糖水,我說的不多。應該話每次和她見面聽她說的話後好自然我就會將我想說的話吞了,因為反正都不值一提。吃完個糖水我們就去逛vcd店,一口氣買了四套戲,其中包括兩套Johnny Depp的。然後滿心歡喜的回家跟媽媽說我們今晚煲碟啦,媽媽最後選了看「Secret Window」(凶窗幻影)。看完後的感覺只是就係咁呀,整套戲的劇情毫無特別,唯一可以說的是這完全是給depp佬晒演技的戲,還有他真的很有型啦啦啦啦。一套就連膽小如老鼠的我看過後都不覺得驚慄的驚慄片可見是有多好看。還望另一套「Blow」(毒王)有驚喜。

昨天add科,最後add了普通話和日文。今個學期我真是變了半個讀語言的學生呢。

add科後我的星期一真忙,還有這個學期我完全可以不用吃lunch啊。

P.S. 瑛瑛,我可以說的不多,總之要加油啊。

無奈

唉,今日問下人先知原來死人maths retake要去dept交form,我完全唔知,其實都冇諗住今個sem retake,不過見阿凱retake咪心郁郁囉。點知原來佢已經交左form,0個科又full左喇,都唔使諗啦。跟住又係唔知究竟係咪要讀noise pollution。我好無奈囉。又冇人同我單聲,我乜都唔知架嘛,sonia又走埋,kennis阿傑又唔係ap,靠我自己就食得屎啦。讀大學真係麻煩呀!!!!!!!

唉我乜都唔知呀,摺左喇。

不懂名題

不知道是blog的問題還是network的問題,這幾天都上不到自己的blog,但奇怪的是卻可以寫,真麻煩。

OK,想講的有幾樣東西。第一,終於收到下個學期的時間表了!嘩,我這個學期真有福,終於給我望到星期五dayoff!!!即是我可以連續放三日假啦!!時間表如下:

看,多hea的上堂時間!!!不過呢個是未add科前的時間表,如無意外我會在星期一朝早add兩小時的lecture和星期二十二點的一小時tutorial,都還算輕鬆啦!!!但我非常擔心我三天大假的美夢會粉碎,因為放暑假前tiny師兄說過我要在這個學期要先讀Noise Pollution,但可惡的是,這科只有在星期五有堂!!!天啊,我一定要在這個學期修這科嗎?!year 3唔得嗎?!

第二就是說昨天去看的「人體奧妙展」啦。本身還以為全部都是血淋淋鮮紅的狀態,怎料卻跟媽媽煲完湯的瘦肉沒兩樣,只有那兩副人皮感覺比較恐怖。五十元的入場份真的不太抵,用來扭五個人體模型好像還好呢。

最後就是敗家的我今天又用錢,終於買了部mp3了。雖然是cheap野,不過都不錯啦,還不用心痛它會壞還是怎樣的。其實有想過是買MD的,不過原來MD已經是out到沒有得賣了,唉,MD機啊,不是我不要你,而是社會老早就淘汰你了,真戥你難過呢!

每日一圖--貴婦人及淑女的好物

今日每日一圖號外,唔止一幅,送多幾幅比大家,唔使多謝。

日本人真係有夠無聊,不過其實諗深一層,佢地都係為了眾女士既方便同利益嘛,都幾有建設性丫。

吃麵不用擔心飛濺的湯汁好用護套！--女士們出外吃飯經想驚會整污糟衫,尤其係食有湯既食物時更驚d湯彈落頭髮到搞到一陣味,有左呢個護套遮住頭髮,就唔會再有以上問題啦。


貴婦人切魚--魚頭保護器！--切魚的時候要按住條魚經常都會令到隻手一陣魚腥味,用左呢個保護器不單唔使搞到隻纖纖玉手臭晒,仲可以遮住個魚頭唔使見到條魚既死樣,你話係咪一舉兩得呢?!


好淑女剔牙遮醜機！--剔牙既時候講真真係幾核突,當然要搵手遮下啦。但係如果你另外一隻手唔得閒既時候點算呢?唔使驚,只要有佢代勞,一隻手都搞得掂,咁你另外一隻手就可以同時整理一下你個儀容啦。


貴婦人安心切菜機!(右) --切菜驚切到手?!有左佢合埋眼切都冇有怕!


好淑女方便梳!(左) --淑女最重視既就係儀容,出街有陣時遇著大風吹亂個頭真係狼狽,下下0係個袋度拎把梳出黎真係麻煩。但係只要用左呢個方便梳就唔怕麻煩喇,佢小巧玲瓏,將佢放0係衫袋,真係可以隨時隨地梳頭呀!


貴婦人打蟑螂不用怕拖鞋! --大部份既女士都會驚蟑螂,如果閣下你都係的話,呢樣絕對係你既恩物。假若冇人可以代勞幫你打蟑螂的話都冇有怕,只要用呢對拖鞋就可以遠距離咁將討厭既蟑螂打死啦。


係咪好使好用呢?!

深水?的招牌

拎住個籃的呢位大嬸一定好奇怪我究竟有乜好影。

今日特登出街就係為左要交申請表去學生資助辦事處。交完之後冇乜好做，就一個人由深水?行去旺角。嗯，一個人行下這些後街都幾好喎，起碼唔使好似旺角咁人迫人，仲要比簷篷同傘既雨水滴到我成身濕晒,而且又有特別野睇。講返深水?，當我行到賣布既呢幾條唔知咩街的時候，發現原來呢度的招牌只係用普通鐵皮造的，同其他地方那些五顏六色閃閃發光的霓虹燈招牌差得遠。但其實咁樣簡簡單單都幾好丫，加埋那些舊樓，幾有特色幾有型呀。就好似人著衫咁，有時好簡單的T-shirt短褲都可以好有型(向來浮誇既我呢期都玩簡單沉實)。

黎多張深水?的招牌,唔係個天暗成咁,而係唔小心整左第二個mode黎影。話時話,我話要去摩囉街買部菲林相機玩都仲未去。

每日一句--食燒肉時,也要食蔬菜!

看來這句句子沒什麼不妥,而且都幾有意義。不過,此句句子卻出現得很不當。事源今期Friday訪問蠟筆小新作者臼井儀人,記者既最後一條問題問:「有什麼話要跟香港fans說?」而他的答案就是:「食燒肉時,也要食蔬菜!」

果真貫徹蠟筆小新內無聊又無厘頭既作風。不過,這令我即時想起,我身邊的朋友(係呀,就你講緊你),大部份都是無聊又無厘頭的人,包括我自己在內。話雖如此,但有時候無聊又無厘頭得來又會好似呢句「食燒肉時,也要食蔬菜!」咁咁有意義。其實無聊同無厘頭,都可以好有建設性的。

最近有一個好無聊的美國佬誓要光顧地球上所有的Starbucks,已經去了五千幾間都仲未來到亞洲(日本除外),但仲未夠有另一個美國佬無聊到要將佢既行為投資拍成紀錄片。睇下,無聊得來幾偉大。

既然有人話要去晒全球的Starbucks,我地都唔好執輸,去晒全球既大家樂先。

昨日問題的答案,wanda你答中了,就是在左手面小圖官仔骨骨的teru先生,我激動不是因為見到他,而是,teru君,你已經係三個小朋友的爸爸了,唔好將個頭染成鮮紅色啦。仲有....唉唔講喇.....想睇原本段片click呢度啦。請特別留意三十五秒後那個著白褲的人的不自然動作,我唔肯定講佢係邊個,不過真係不自然得笑死。by the way,glay x exile既呢首scream又真係幾好聽,exile的其他歌都唔差的。

每日一圖--guess who?!

因為最近見到vic姐(hall 1 c個妹仔,唔係重點,唔識唔緊要)hompy的有個每日一歌的環節,激發起我都想整一個"每日一x",希望可以令我個blog都可以多d野睇,仲可以輕鬆愉快d。自問我每一日都好善用上網時間睇都好多唔同既野,學識左好多野,所以,整"每日一x"呢個環節既另一個目的係想話比某d人知上網其實唔淨只係download劇集來睇的。

好廢話唔再講,今天係每日一圖,大家即管估下圖中呢位人兄是誰,唔擔保大家都識佢,不過當我見到呢個樣實在太激動,忍唔住要cap落黎比大家睇下。提示係佢既台風,佢既尾指,估中冇獎。答案明天公佈。

百變depp佬 朱古力獎門人

千呼萬喚,朱古力獎門人(Charlie and the Chocolate factory)終於上映了。當然,我是第一時間撲去看看添布頓和Johnny Depp又搞什麼鬼啦。果然,不負所望,這是一部充滿歡樂的片,沒有悶場!

劇情在此不詳說。實在不得不佩服depp佬百變的樣子,大家看看海報中的他跟左手邊的那個小圖就知道,簡直就是兩個樣子。另一方面又實在不明白為何depp佬總是演這些騎呢角色而又不會令人噁心的。(但像「情迷朱古力」--咦又是朱古力?!--那樣的角色又可以是那麼有魅力和瀟洒不凡!)是他的演技精湛還是他的個人問題呢?這真是一個謎。我為何又會喜歡depp佬?可能是因為他的怪雞吧!因為第一部我最有印象的西片就是「幻海奇緣」。好像是小學的時候看的,在哪裡看倒真的忘記了,只記得他那雙鉸剪手刺穿水床那幕很爆笑。這部片簡真是經典,相信大家都應該看過吧(我也看過了不知多少篇)。這次他演的這個Willy Wonka,依然怪,有點傻,不過親切有禮,說實在有點像Edward,但多了份孩子氣。總之絕不惹人討厭
。

另外,這部片不得不留意(也不可能不留意到的)就是隆巴小矮人了,我簡直愛死他,每次他出場我都笑個死的,而且我敢說,他的戲分隨時可以超越片中任何一人。究竟他為何這樣出位?進戲院看吧!

這片除了造型出色,故事有趣外,而且歌曲配樂亦非常好,總之保證看完會很心滿意足!不過,可以的話,請帶些朱古力糖果進場享用,因為當你看到滿山糖果,滿地朱古力時你都會很想吃的。還有還有,一定要看英文版啊!!!

第四份生日禮物

昨晚收到我的第四份生日禮物,是表姐送我的re-ment化妝品系列,而且還是特別版啊!!!真的非常非常多謝你啊老表!!!>3<

不可不說,這套化妝品系列我真的期待已久,等了個多月終於給我等到了。為何我會這麼期待?全因為那個模仿Anna Sui的Princess系列啦。但看到實物後,我還是比較喜歡Natural和Actress這兩個系列,因為它們都比較仔細嘛。不過說真的,re-ment的這套玩具的手工比我想像中差,可能是物件實在太小吧。

順帶一提,我的親人們都好像有預早送生日禮物給我的習慣。我今年已收到的生日禮物,順序分別由媽媽婆婆姨媽表姐送的。不過,這很好啊,全都是我心頭好,不用浪費嘛。

我還在等著我其他的生日禮物。喂,你們要識做啦!

P.S. 今天會考放榜,我弟重考的英文科連升了兩級(D->B),嗯,叻仔啊!不過相比之下,我覺得我的英文實在很爛,很慚愧啊。
P.S.S. 另外要看新玩具的相片請再移玉步往相簿去,多謝!

電腦也比我矜貴

想不到我的電腦竟然會拒絕使用非法用品,反對使用翻版,真比我還要矜貴。

事原前幾天因為實在太悶,所以心血來潮走去下載個game來玩,另外又要下載一個什麼software來開他的mds檔案。搞了大半天終於都開到了那個game,不錯啊挺好玩。可是,還沒到戲肉那個game就突然"輕"了,噢天啊,我還沒有存檔,算吧,是我倒楣,只好重新來過。第二次,還好我記得存檔,否則我就要跟它拚了。連續幾次又開又關之後,我終於嘗到一次可以一直玩一個小時多直到過關了,而且它還說已經自動存檔,我當然很放心。繼續沒玩多久,電腦突然自動關機了。但當時我想反正都已經自動存檔,算了,去睡吧。怎料,事情才沒有完結,更糟的陸續有來。今天我再開來玩時,發現它那個自動存檔的根本就沒有存!!!!!電腦呀!!!!!!!你為何要這樣待我?!都算了,反正我都沒事做,再重新玩過都不需太多時間。但這次,它都依然沒有退讓,還要變本加厲的不斷重新開機,最後一次還要不能開機......fine,既然你要反抗到底,依你的,只要能開電腦我就立即將那個game洗掉....果然,今次終於能開了,我也只好遵守我的諾言,立刻洗掉那個game和software。

果真,我的這台電腦真的大晒,我真的很怕它會當掉,因為現在我坐在電腦前的時間比電視還要多,沒有它我在家中真會死掉的。

P.S. 我下載的那個game叫奇跡餐廳,遊戲背景在巴黎,可以見到鐵塔和凱旋門。還是頭一次見到立體的凱旋門呢!

再見咪咪

我一直都想寫我鄰家的那頭狗，但想不到我竟然要拖到最後一天才寫。

牠叫咪咪．是頭雪橇狗。別以為牠叫「咪咪」就是女仔，其實牠是個男的。牠之所以叫「咪咪」，是因為牠的第一位主人有另一隻白色的雪橇，叫「摩摩」。不過，由於咪咪很蠢，不及摩摩聰明，不懂逗主人逗主人歡喜，所以牠主人就將牠送給別人，就即是我鄰家的那個男人了。

咪咪雖然蠢，但他是算是非常乖巧，見到陌生人都不會吠叫，唯一的缺點就是牠非常為食，只要有得吃，牠就肯定會跟著別人走。我們一家人都很喜歡咪咪，經常餵東西給牠吃（吃得牠咀也「尖」了！）我媽最常給牠吃熬湯的瘦肉，不知道牠是知道時間還是認得刮湯煲的聲音，牠會到時到候就爬上等吃，我想這可算是牠唯一的技能了。

其實，一直我都覺得咪咪很可憐，因為雖然牠主人是喜歡咪咪，不過卻沒有怎樣照顧牠。只是一直將牠放在花園（他不許咪咪入屋的），不管是陽光普照或是滂沱大雨。而且那男人沒有怎樣跟咪咪玩，亦很少帶牠出外。所以我常常覺得咪咪很悶，不過，牠又好像覺得沒有所謂的，或許牠是真的很喜歡牠的主人吧。最近，我真的很氣咪咪的主人，因為天氣真的很熱，試想像，咪咪牠全身都是毛，比我們還要熱上十倍吧！？但是他主人還是不讓牠進屋（而他自己卻在屋內涼著冷氣），還有，又不跟牠洗澡，搞到牠身上發出陣陣臭味，誇張得我家屋內都嗅到。

臭是臭點，可是我們都沒有嫌棄過咪咪，只不過實在是受不了，昨天我媽就請牠的主人幫牠洗澡。怎料，今天晚上，牠的主人突然說要將咪咪送給別人，因為他沒時間照顧牠。

沒有不捨得的感覺是騙你的，我不想哭的，可是真的敵不過。但想到咪咪會有一個更疼牠的主人，一個更舒適的居住環境，心裡還是好過一點。

咪咪，要保重啊！還有不要忘記我們啊！

P.S. 真的，我絕不贊成沒有時間的人飼養寵物，就好像咪咪那樣，雖然不至於成為被遺棄動物，但像這樣被主人們送來送去，牠心裡好受嗎？！請記著，「牠雖是你的寵物，你卻是牠的一生至愛」！！！

心理測驗

今天看到一個挺有趣的心理測驗。一起來玩玩吧！

copy from a forum:

有一日，你自己一個人在沙漠上行走，已經行左好幾小時，沙漠空無一人，黃沙滾滾，你就咁不斷行不斷行，突然間發現左一朵花，係沙漠見到花係難得既事，你覺得呢朵花係咩顏色？

之後你繼續行，越來越累，行行下你見到前面有一條河，你會有咩反應？（你的心情如何？你會有咩行動？）

離開左條河，你又繼續漫漫既旅程，行下行下，你突然發現有一間屋在前面，你覺得係一間點既屋？（可以形容一下屋既外表，俾你既感覺，有冇窗或門等等，想到咩就講咩啦。）

你出於好奇，又想休息一下，於是戰戰兢兢咁入左間屋，你推開門，發現間屋入面有張桌子，上面有一個蘋果；而屋既一角有一個小朋友，呢個時候你會做ｄ咩？（你會點對待個蘋果？食左佢？定點？你會唔會同小朋友傾計？會講ｄ咩？佢俾你既感覺？）

最後你還是出左呢間屋，繼續上路，行左一陣，你又再次見到一條河，今次你又會點做？

行過條河，你遇上障礙，係一幅好大好高既牆，佢阻左你既去路，呢個時候你會做呢？

終於，你都過左幅牆，你走入左一個森林，而個天開始黑了，你發現左一條小路，路既盡頭有一間屋，你心情係點？覺得呢間屋有咩感覺？你又見到小路上有個著白衣既女仔，你會點對佢？會有咩感覺？

－完－

分析：

●花既顏色代表你既性格ｅｇ：紅色係比較熱情；粉紅色比較女性等等有一個人答左綠色，而向來都少見綠色花，於是可以推斷佢係比較鍾意與別不同等(我答黃色，不知怎樣解）

○第一條河代表你既初戀／婚姻，沾水越多表示越投入有人答佢會游水，即係好投入；有人會帶走埋ｄ水，可能佢佔有慾都幾強；有一個同性戀朋友，佢竟然答會撤尿，所以我覺得幾準－ｖ－(我會很開心，然後立即衝上前喝水，還要跳落水浸下) (！？）

●第一間屋代表你既世界觀我答左係一間好童話式既屋，代表我可能認為呢個世界仍是好童話，好美好；有人話係一間破屋，可能佢對世界有ｄ失望等等窗同門既多少可代表你願意接觸世界的程度（一間好簡單的屋子，好像小朋友畫的那種一個門一個「田」字窗）

○蘋果代表野心權力地位我冇理過個蘋果，因為覺得唔乾淨，有毒，幾準；有人會帶走個蘋果；有人會問下小朋友食唔食咁（我問那個小朋友可不可以吃）

●小朋友係代表人際關係有人會覺得個小朋友恐怖，可能代表佢幾怕接觸人／人的問題；有人會好開心咁去傾計，咁佢既人際關係應該ｏｋ或者佢幾鐘意接觸人；如此類推啦！（小孩好像很可憐，我會跟他打招呼，問他的父母在哪裡）（據說如果是出自內心即是會關心朋友，重視朋友，若只是寒暄的就代表你很多萍水之交，但好少知心）

○第二條河係代表婚外情依個我覺得唔係好準，因為大部分人都會做番第一條河做既野，應該唔會咁多人唔專一掛？（我答只是洗個手和臉）

●牆代表遇到困難既反應我選左沿著牆走到有路為止，代表我會逃避任佢自己解決，好被動；有朋友佢選返轉頭，咁岩個排佢正面對緊不如意事，於是佢走開唔想面對，好準；有人會爬牆，有人會整穿牆，有人會挖地道過，呢ｄ都係會去解決問題的人，不過就睇下係智取定武鬥啦?（我會爬牆，但我好像不是積極派）

○女仔同屋都代表死亡如果你會要求入去寄宿一宵，咁你對死亡即係坦然面對啦。（我覺得很恐怖，不會入屋，會怕那個女會是鬼。果然，我是個膽小怕死的人）

亂七八糟的雜談

這陣子的生活真的很無聊，好像今天到了jill的家hea就過了一整個下午。請不要好心地叫我去再找工作或是做些什麼學些什麼的，假如我真的想去做，我自然會去。(P.S. 況且我已經被僱用，只是一直都沒有叫我去上班，真的受夠了再等。)

最近我們的熱門話題是港姐及港男。今年的港姐比較留意，是因為當中有個我們認識的人。不是覺得她很漂亮，定會勝出，而是有種脫胎換骨的感覺。港姐當中誰會勝出，我沒有意見，因為不懂評，不過港男，我真的很有意見。實在很不明白，為何rocky會輸給那個二號！？選港男不是應該選一個有男人味的男士嗎？那個二號太瘦了，而且又沒有什麼特別，我只可以說他是一個樣子比較好看的男子，很普通。而rocky，我不是「買」他大隻，肌肉型，而是他怎樣看，都比二號man，而且笑容討好，很自然。其實一開始我最留意的是八號，因為他是當中最有型的一個，怎料他一開口，就將自己完完全全出賣了，因為原來他是傻的，根本就不懂說話。結果他被out，確實是應該的。(這確實是一個樣貌不等於全部的最佳例子。）

噢，胡扯了一堆，多謝閣下願意花時間閱讀。

梁祝

何韻詩的舞台劇「梁祝」，終於在今天正式售票。
聽說有很多阿詩的fan屎一大早就跑去買票，不知又是否太多人上網購票弄得快達網整個系統down了。
本來我都是十分期待的，因為我未正式試過現場欣賞阿詩的表演，所以這次實在是千載難逢的機會。
可是昨天當我看完這劇的簡介，我的興趣大減了。因為劇情實在不怎提起我的興趣。
我才發現，原來我不是跟其他阿詩fan屎一樣瘋狂的為她著迷。要知道她的一切，要看她所有表演，要擁有她所有作品。
我已過了瘋狂迷星的時期了。
我也曾為一個偶像而瘋狂。認識我久的人都會知道初中的我十分崇拜Glay，甚至乎，我曾在電台門前像個瘋子的等，為的只是看他們一眼。其他人或許會覺得我傻，但當時的我卻認為一切都是值得的。現在我仍然是喜歡Glay的，只是提起他們，眼裡已沒有太多星星，或是心心。
當然我不是在後悔或是在笑現在為偶像瘋狂的人，畢竟每一個歌星明星都需要為他們瘋狂的歌迷影迷。當然我也不是在認老(我才二十歲，很青春！)，只是每個人也有這一段迷星時間，而我的已經過去了。會否再有這個時期，以我的性格，確實不排除再有。
至於這套「梁祝」，假若我還能買到票的話，我都是會去看的。

重生感

突然轉寫Blog，目的只為想找那種重生(新)感。
可能身體困得太耐，我覺得有點納悶。我很想為自己加點新鮮感。
我本來就是個貪新忙舊的人。
但矛盾的是，有時候，我又覺得新不如舊。
扯得有點遠，總之，此刻我想有種重生的感覺。
況且Blog的功能好像都比xanga好。

相片沒有特別意思，只是很喜歡那個旅行輕鬆愉快的感覺。走在晴朗的天空下，心情都會是特別的放鬆快樂。
所以我實在很期待八月底的旅行。很想能什麼都不想，什麼都不用擔心，自自在在的享受異國的風光和文化。
我要出發了。