過關。

終於..終於都考完晒試喇。
一如以往,我都係抱住"只要過關"既態度去考。
希望余彼得個科順順利利啦。

預祝大家聖誕快樂。

恭喜晒!!!!

各位,我唯一既表姐0係琴日(9號)終於成為何太了!!!

本來我以為所有婚禮都係咁上下,我唔會喊。
但係琴日,我鼻子酸了好幾次。
感動得差點哭了。

你有一個完美既婚禮喇~
你個日好靚呀~
你有個鍚你既老公喇~
你好幸福喇~

做表妹既我冇乜野送到比你,
但衷心祝你永遠都幸福快樂,
同表姐夫白頭到老,
做個幸福少奶奶啦~

朋友你地唔寫blog既。

最近朋友們都好懶唔寫blog呀。
我都冇乜動力去寫。


小吉做過,唔爭在做埋小雲。

錢錢錢錢錢錢錢錢錢錢錢錢錢錢錢錢。

新一代"最具潛力消費者"絕對非我莫屬。
今個月嚴重的入不敷支真係自己都嚇一嚇。
認真敗家。

shuhhhhhhhhhhhhhhhhhhhhhhhhhh。

Rest in peace

一剎那既念頭就可以結束人既一生。
到而家我都唔明白哥哥當年點解要跳落去。
前幾日個科大生又係咁。
但估唔到既係今次係一個我認識既人。

人既心靈真係可以好脆弱。
只要將事情諗得太偏太大就真係比佢迷住左搵唔到出路。
雖然旁人睇覺得只係一件小事。

但人既生命真係好寶貴。
最近睇左有關懷孕同生產既紀錄片同書籍,
一個生命既誕生真係唔容易。
你跳落去個剎那有後悔嗎?

文爺,好耐冇聽到你消息。
當bobo問我知唔知你單野時我仲以為你又上電台定做左model。
但估唔到竟然係d咁既事。
雖然以前讀書既時候會成日串你,上次燒野食又串你扮野,但我地都只係講笑。
仲記得畢業前聽你講個番話時好感動,覺得你變開朗左。
而家真係唔知講咩好。
文爺,rest in peace,我地會祝福你。

Magic!!!

哈哈,超好笑~

何韻詩

一個努力左十年既女歌手
今日終於企上左紅館既舞台
全場成萬人為佢拍手同佢一齊唱歌
佢企0係舞台既最高位
就好似最閃最光既一顆星
真係好感動好感動
你十年既堅持係冇白費架

第一次睇演唱會連續睇兩晚
第一次睇演唱會真係叫到失聲(但第二場依然唔理照叫)
第一次睇演唱會完場會去買相
第一次睇演唱會咁瘋狂去買紀念品
第一次睇演唱會由衷覺得非常感動
第一次睇演唱會會有想喊既感覺
最重要既係....我第一次睇何韻詩演唱會

唔記得點解會中意何韻詩
但係由第一隻碟開始就覺得佢會係我最中意既女歌手
越來越中意
雖然唔夠佢等得耐
但我都等左佢五年
終於我都等到喇
今日我終於都可以分享都你既成就同光榮喇

可能你地會覺得
成廿一歲人竟然仲咁迷偶像同d妹妹仔癲
但我想講:咁又點?我真係好中意佢喎

何韻詩,十年之後無論你去左邊度
我都會一樣咁支持你

??????

???~

病

琴日一起身就不斷咁咳,心想可能作病。
點知下晝就開始黎料,頭暈....心仲諗:"唔係呀今個星期先黎病.."
一路返屋企已經覺得頂唔順,仲發燒。
食完飯再食埋藥就即刻返房訓,?兩張被希望焗身汗。
點知一直到沾寒沾凍,訓得唔好,汗又焗唔到,仲想嘔添。
訓到十二點媽媽叫我起身沖涼,終於忍唔住要嘔。
金豬好乖啊,我坐0係廁所地下作嘔佢行埋黎哄下我,好似問我有冇事咁。
媽媽話我閂埋門訓咁耐佢就叫咁耐。
真係乖仔。
嘔左出黎沖個涼再出埋身汗即刻又再訓過。
今朝訓醒已經好左好多喇,認真好彩。
好耐冇試過咁病法,真係嚇死。
要做多d運動令身體強壯d先得。
大難不死必有後福。
星期五,等住黎呀~

雜談

不斷不斷咁repeat住glay個首夏音,好耐冇試過咁樣聽glay既歌喇。
最近冇影過一張自己滿意既相,真係樣衰到爆......個頭永遠都唔知想點。
呢張算係最中意的。

(from Queeny)
個晚大家真係傾得好暢快！ (10月1日)
之前寫左兩篇blog但都因為覺得寫得唔好而冇post到。
都係寫返流水帳算,個d說話留返心底啦。
今日先知一個蛋糕可以咁樣切。
分別係120,90,90同60度。

小慧,生日快樂~(10月22日)
何韻詩演唱會進入最後倒數階段。
真係好興奮好興奮!

搞野

有冇試過不斷咁上網SEARCH軟件然後又搞一大輪仲要裝幾萬個PROGRAMME就係為左聽一隻歌睇一段片或者玩一個遊戲?
我今日由下晝搞到而家睇左萬七個WEB PAGE DOWNLOAD左幾十個SOFTWARE搞左幾個鐘先裝到個PRAGRAMME就係為左入一隻GAME去部電話度。

但搞左咁耐,都係得個桔。

阿部大叔

睇左幾集不能結婚的男人(結婚できない男)。
好好笑,阿部大叔好鬼抵死。
一路睇覺得做桑野既阿部大叔係個怪人,
實情某程度上同我好似。
一個人整野食一個人食飯一個人買野一個人....
其實唔係冇人理,只係自己做到自己咁。
成套劇,就好似話我知呢樣野。
呢套野除左笑,都有d得著。

(credit: wanda's blog)

媽媽回鄉,老豆開夜,老弟0係hall,今晚同聽晚都係食自己。
今晚葡汁炒雜菜,唔係講笑,真係好好味,一個人清晒。

(白飯+炒雜菜+媽媽滷水雞翼兩隻)

心情好差 EQ好低

心情同EQ都跌到最低。
已經第三年,但依然係唔享受大學生活。
好多時候都係一個人上堂一個人hea,但podium同canteen永遠逼過羅湖城,想搵個安靜既地方都冇。
就算係訓覺房依然都聽到隔離既叫喊聲。
好討厭,覺得自己好孤單。
year 1既時候我仲有hall可以比我柄埋,
但而家,搵均成個city都冇一個真正屬於我自己既地方,
更加顯得我孤獨,city已經令我覺得越來越討厭。
心情唔好做野都唔順利,EQ跟住一直下跌。
好想搵野發洩,好想將檯面所有野掃晒落地。
死仔金又唔聽話,差d拖埋我衝出馬路比車撞死。
終於忍唔住,好大力咁打左佢幾下,掟埋佢出花園。
我真係好想喊,點解我唔可以好好咁控制自己既情緒?
我好想好想大聲喊出黎,好想好想大聲叫呀。

夏音 Natsuoto

So long, Summer.
Welcome, my Autumn!

唔知點名題喎。

暑假咻一聲就過,人生中最後一個暑假依然係過得毫無意義。
如果唔係返左兩個月工,我相信應該hea足三個月。
亦都好彩返左兩個月工,我唔使hea足三個月。
呢個月好似除左hea之外我都冇野好做,
就連講過話帶阿金豬去游水最後都冇去到。
認真衰格。
見到人地咁多活動其實真係好羡慕,
不過自己又麻煩又懶又怕熱又怕曬又嫌呢樣又嫌個樣,
抵我悶足一世....
暑假真係唔係我既日子。
不過,新學期都唔見得好好。
黎緊個sem a我一星期先返得三日堂。
仲要係星期三四五,只返夜晚。
星期五好d囉,返埋下晝。
hea到咁,點算?
你覺得好好咩?我覺得一d都唔好。
難道真係要hea足一個學期嗎?
我唔想咁囉。

送給所有愛貓人仕~

click the above pic to watch the video~

呢個係一個日本貓糧既廣告。我想講既其實係首歌,第一次睇時已經好中意隻歌,好得意好好聽~心諗:呀邊個歌手唱架呢咁得意既隻歌?!
但最近發現,原來隻歌既歌詞原來係講緊佢既產品(黑罐,金罐&純罐)。以我識既有限度既日文,聽到有"今日食咩?","我唔客氣喇","好中意(金罐)"之類的句子。
一個簡單的貓糧廣告,竟然可以製作一隻咁認真咁好聽既廣告歌。再一次證明,日本真係屙篤屁都香d~(小泉純一郎除外)
大家可以上埋去個website睇下呀,幾多貓相睇架~
http://www.cat-kingdom.com

未來何太,快d養貓啦~

The Devil Wears Prada

好想睇呢套戲,原因有兩個:
1. 梅麗史翠普好型,尤其是佢個頭~
2. 好想睇d衫~名牌,正呀~

唔知幾時上呢?

hip-pop金

yo yo....check it out.....

金豬真係一天比一天靚仔....哈哈哈~

難道我還要笑嗎?

說話講左就係講左。
我聽左亦都冇可能當聽唔到。
對唔住,我EQ冇咁高。

我實在唔明點解呢d氣會咁樣受返黎。
原來我實在太天真了。

體驗

成十幾日冇上黎。
仲有三個星期就返完,其實可以的話都可以早d完。
唔係因為唔想返,只係個project可以做既野我都做得八八九九,而家返工都冇乜野做。
返左工咁耐都冇寫過工作既事,其實都冇乜野可以講。
人事關係亦都好簡單,唯一令我不忿既事又唔方便0係度講。
最重要係每日放工返到屋企已經好累,連上網既心情都冇。
每日朝九晚六既生活好充實。返工放工返屋企食飯,完全唔會有多餘時間諗多餘野,因為有都用左黎訓教。
其實咁樣係咪好事?
講返工作,一切都算順利,除左開頭有d茫然。女上司係個好人,我亦好佩服佢既博學。
但假若要我當呢份係長工,相信我都只會做一年就走。
因為我想學更加多既野,見更加多既人。

南生圍。

唔知點解一去到就想唱"實情".....
...迷戀往事幾千次悔心無意義...




你話我有部勁d既相機幾好呢.....雖然而家呢部都算係咁....

巴西.....

.......出局......
我真想喊。

算命

http://www.superfate.com.tw/22_free_8word/
0係小慧度睇到的。
嘩呢個真係幾準,夠中肯。
我唔post我的了因為好大段反正都冇人會睇。
自己玩下啦。

今日阿頭成日都唔0係公司,所以放心偷懶。哈哈哈哈。

超樣衰。

我實在好討厭我面對住陌生情況既時候而表現出好似白痴一樣的表現。
真係樣衰到極點。

返工。

返左七日工,冇乜特別。
都冇咩唔慣,唯一唔慣就係要好早起身。
新公司,細到喊。數埋後面工場都只係八個人。
所以其實冇人帶我,好多時都唔知要做乜。
我又唔係讀呢科,所以好多時經理同同事講既野我一d都聽唔明。
但咁又點,又唔可以唔做,咪唯有頂硬上囉。
冇人一出黎做野就乜都識架啦。
不過有d驚做錯野或者做得唔好比人鬧囉。
就係咁,冇乜特別。
唔好叫我出糧請食飯呀,我諗我而家分分鐘要倒貼添呀。

Happy Time。

劉金比生日聚餐,實在難得地咁齊人,十分快樂。
真係自中五畢業之後都未試過咁多人再聚頭了。
又好似中學時好開心咁講八卦野喇。
今次只係爭陳+2jar。
以後要有更加生日聚餐。
期待下次的聚會。

要返工。

終於落實了,下星期一返工。
果然係一個廉價勞工,冇計,鬼叫我而家個職位係summer intern。
下星期返工,而家仲未有返工的心情。
有點緊張,唔知實際係做咩野。
期望工作一切順順利利。

劉金比生日快樂。

雙生兒

今日煎奄烈,一打蛋,竟然係雙黃!!!
咦?如果fu到出黎既話咪即係twins囉!?
噢...對唔住呀雙生兒...食左你地....

自己給自己的麻煩

自從有左阿金之後,我就超級討厭落雨。
落雨點帶阿金出街屙尿屙屎呢?!
本來琴日諗住同阿金沖涼,但因為落雨,又順延至今日。
點知,今日比琴日更大雨,只好又順延....
唉,點解要落雨呢?咩都唔做得。

最近阿金皮膚出現左小小問題。
有結焦,小黑點,甩毛既情況。但好似又唔算好嚴重咁。
我之前懷疑係咪一種叫毛囊蟲病既遺傳病,問過人又覺得唔係。
只係好唔好去睇醫生呢個問題已經害我煩左好耐。
但屋企其他人好似完全唔在意咁呢個問題咁。
我好怕我既狗狗有皮膚病既問題,我唔想又搞到好似以前咁。
雖然上一次係比黑店所累。
但咩都做唔到要狗狗受苦既感覺好難受。
我只想我既狗狗可以健健康康咁生活。

琴日先同kairi講起養狗既麻煩。真係其實有好多麻煩之處。
我從來都係一個怕麻煩既人,但我而家竟然養左一隻狗。
仲要係一隻又長毛又肥又大隻既金毛尋回犬。
你問我煩唔煩?煩呀,不過係我揀既。

嗯

當大家溫緊書時我仲未起身
當大家訓緊教時我仲未去訓
最近有時天光先訓
唔係真係溫到天光先訓
只係溫書+hea,加埋而家好早日出
所以好容易天光先訓教
原來d雀仔四點鐘就會開始叫
其實有時夜晚都唔知自己溫左幾多
因為真係好hea
好似而家咁就鼠黎打blog
唔好問我點解朝早唔溫
因為我都唔知我日頭既時間去晒邊度
搞到要夜晚先溫
其實考試既最後兩科真係好冇心機
因為真係無從入手,完全唔識
我諗有可能重回year 1 sem a 0個個gpa
有可能更低

表演二

(又係咁既?!唔係佢食我先叫佢架....係我叫佢先食架)

表演一

(聲比畫面慢一拍既?!)

變身!!!

各位,有冇諗過可以不費吹灰之力就縮小成個碼呢?
而且仲即時見效!
無可能!?
It is possible!!!!

06年最新修身代言人----阿金!!!
修身前:

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
修身後:


唔該唔好笑。呢個係06年春夏最潮新裝!
笑,只因為你唔識貨。

五月天萬歲!!!

五月天萬歲!!!!!!!!!
我都係第一次睇演唱會睇咁耐jar。(wild day out個次除外)
真係high到爆!!!!!!!!
雖然坐山頂,但依然要企!!!!!!!!!!!!!!!!
五月天,要再來啊!!!!

P.S.心裡面諗住會唔會見到菇,點知佢真係一丁友去左睇。呀!!!!!!無緣!!!!!!!!!

朋友堆大披露

01. 朋友中,,邊個最靚仔? 好可惜...冇!!!
02. 朋友中,,邊個最靚女? sonia啦,好似個公仔咁。
03. 朋友中,,邊個最好人? 衰人就唔會係我朋友
04. 朋友中,,邊個最肥? er...
05. 朋友中,,邊個最瘦弱? lingling,好似好易病咁。
06. 朋友中,,邊個你最驚? 人地驚我jar卦?我已經最惡。
07. 朋友中,,邊個最得意? 阿左啦,我覺得佢講野好得意。
08. 朋友中,,邊個最大隻? 唔覺有喎,真係大隻個d同我又唔係真係咁熟。
09. 朋友中,,邊個最玩得? kennis
10. 朋友中,,邊個你最錫? 同我fd的都錫
11. 朋友中,,邊個最成熟? tammy,好識諗。
12. 朋友中,,邊個最白痴? kairi,jill....加埋我,我諗都冇人及得上我地。
13. 朋友中,,邊個最守時? lingling,tammy,hebe
14. 朋友中,,邊個最串咀? lingling....一時時啦,同我鬧串。仲有阿傑。
15. 朋友中,,邊個最遲鈍? 我覺得應該係jill
16. 朋友中,,邊個最沉默? kairi
17. 朋友中,,邊個最多野講? lingling,kennis
18. 朋友中,,邊個最聰明? kennis
19. 朋友中,,邊個最蠢? 我諗....冇人蠢得過我。
20. 朋友中,,邊個最有型? kairi囉,佢個種型法唔係外表而係內裡。
21. 朋友中,,邊個最高? 阿傑?!但queenie同丸丸都好似差不多高喎。
22. 朋友中,,邊個最矮? 羅生
23. 朋友中,,邊個最搞野? jill
24. 朋友中,,邊個最沉悶? 冇喎
25. 朋友中,,邊個最真? kairi,jill,lingling
26. 朋友中,,邊個最夜訓? kairi
27. 朋友中,,邊個最早訓? 好似冇乜人早訓,阿傑卦?
28. 朋友中,,邊個最有義氣? kairi,jill,lingling
29. 朋友中,,邊個最可愛? 仲細咩?可愛....
30. 朋友中,,邊個最理性? 我估hebe
31. 朋友中,,邊個最任性? 我覺得係queenie同queeny
32. 朋友中,,邊個最姿整? 瑛瑛
33. 朋友中,,邊個最有錢? 阿名
34. 朋友中,,邊個最外向? queenie同queeny
35. 朋友中,,邊個最內向? kairi
36. 朋友中,,邊個最獨立? tammy
37. 朋友中,,邊個最依賴? 唔知呢。
38. 朋友中,,邊個最乾淨? lingling?tammy?阿左?becky都好似好中意乾淨咁。
39. 朋友中,,邊個最污糟? jilllllllllllllllllll........yummy個件事實在令我傻眼!
40. 朋友中,,邊個最大黑眼圈? 瑛瑛卦
41. 朋友中,,邊個皮膚最黑? kairi
42. 朋友中,,邊個皮膚最白? 阿左
43. 朋友中,,邊個講野最大聲? 阿霆...想講好耐,佢笑得真係好大聲。仲有阿名。
44. 朋友中,,邊個講野最細聲? 瑛瑛
45. 朋友中,,邊個講野最有道理? 阿名,kennis
46. 朋友中,,邊個身材最好? 瑛瑛
47. 朋友中,,邊個年紀最大? sudi
48. 朋友中,,邊個年紀最細? 好似係jill。
49. 朋友中,,邊個最專一? 應該係阿傑。
50. 朋友中,,邊個最花心? ...瑛瑛...?
51. 朋友中,,邊個最識得多野? 阿名,真係好似乜都識。
52. 朋友中,,邊個最鍾意食野? 我估係tammy
53. 朋友中,,邊個最鍾意訓教? 應該冇人夠我勁。
54. 朋友中,,邊個識玩樂器? jill,lingling,tammy,kennis
55. 朋友中,,邊個唱歌最好聽? 呢個好難答。
56. 朋友中,,邊個有領導才能? kennis
57. 朋友中,,邊個有奇怪癖好? 我估最奇怪係kennis。
58. 朋友中,,邊個最識儲錢? 阿傑卦
59. 朋友中,,邊個最識慳錢? lingling同tammy
60. 朋友中,,邊個食煙? oliver...好似有
61. 朋友中,,邊個飲酒? oliver,kennis
62. 朋友中,,邊個食草? 嘩,冇啦梗係。
63. 朋友中,,邊個啪丸? 冇
64. 朋友中,,邊個最潮? 瑛瑛
65. 朋友中,,邊個最鍾意睇戲? kairi,咩都殺。
66. 朋友中,,邊個最鍾意打日記? 我覺得係tammy。
67. 朋友中,,邊個間房最靚? 唔知喎
68. 朋友中,,邊個最鍾意打機? jill...
69. 朋友中,,邊個最鍾意傾電話? lingling,tammy,kennis。我queenie同queeny都係。
70. 朋友中,,邊個最鍾意SMS? kairi
71. 朋友中,,邊個最鍾意ICQ? 仲玩icq?!
72. 朋友中,,邊個最鍾意MSN? 唔知喎
73. 朋友中,,邊個最鍾意QQ? 冇啦應該
74. 朋友中,,邊個最鍾意行街? 我覺得係queenie。仲有瑛瑛。
75. 朋友中,,邊個最FRIEND? kairi,jill,lingling
76. 朋友中,,邊個你最信任? kairi,jill,lingling
77. 朋友中,,邊個你會成日同佢講心事? kairi,jill,lingling
78. 朋友中,,邊個知你鍾意邊個? 冇
79. 朋友中,,邊個知你最憎邊個? 我諗kairi,jill,lingling,瑛瑛,hebe應該會知。
80. 朋友中,,邊個同你識得最耐? kairi,jill,lingling,xenia。form 1到而家差不多九年...
81. 朋友中,,邊個你係岩岩識? 冇喎
82. 朋友中,,邊個個電話你記得? kairi,lingling,jill(只限屋企)
83. 朋友中,,邊個個生日你記得? 大部分都記得
84. 朋友中,,邊個個樣你記得? 下?!咁既問題都問...無聊。
85. 朋友中,,邊個整喊過你? lingling
86. 朋友中,,邊個住係外地? jill,tammy
87. 朋友中,,同邊個認識既過程你最深刻? 瑛瑛,kennis,阿傑,阿霆,oliver
88. 朋友中,,你最想同邊個一齊住? 冇
89. 朋友中,,你最想同邊個一齊玩? 個個都想。
90. 朋友中,,你最尊敬邊個? sudi
91. 朋友中,,邊個令你改變? 唔識答
92. 朋友中,,邊個令你任性? 冇
93. 朋友中,,邊個令你理性? 冇
94. 朋友中,,邊個令你成熟? 冇
95. 朋友中,,邊個令你低Ｂ? 冇
97. 朋友中,,邊個令你變衰女? 冇
98. 朋友中,,邊個令你變乖女? 冇
99. 朋友中,,你最愛邊個? 個個都愛
100. 最後,,朋友中,,你最想邊個做哩份問卷? 個個,得閒就做啦。

三人行

電視廣告最近一首非常好聽既歌。
記得有一次好大班人去唱K,唔知邊個點左呢隻歌黎唱。於是呢首係我全晚唱得最起勁既歌....
點0個個人真係同我一樣咁有童真。
呢首歌真係好好聽。
應該係話以前d兒歌真係好好聽。
都係因為呢隻歌,我先咁想去海洋公園睇水母jar。


Powered by Castpost

三人行 - 林子祥／劉天蘭／詩詩
曲︰MARGIE ADAM
詞︰林振強

詩︰童年時逢開窗　便會望見會飛大象
　　但你罵為何我這樣失常
　　而旁人仍黏黏　話我現已太近視
　　但我任人胡說　只是堅持

詩︰飛象兒共我　常在那天上漫遊
　　要用笑造個大門口　打開天上月球
　　齊話聲
　　＊漫長漫長路間　我伴我閒談
　　　漫長漫長夜晚　從未覺是冷 　
　　　重唱　＊

劉︰年齡如流水般　驟已十八與星做伴
　　沒有別人來我心內敲門
　　而旁人從不知　亦懶靜聽我心內事
　　但我現能尋到解悶鎖匙 　

劉︰星與月兒共我　常在晚空內漫遊
　　笑著喊著結伴攜手　空中觀望地球
　　齊話聲
　　重唱　＊,＊

林︰從前傻頭小子　現已大個更深近視 　
　　但已練成能往心內奔馳
　　而旁人仍不歡　罵我自滿以心做伴
　　但我任人胡說　只是旁觀

林︰心就如密友　長路裡相伴漫遊
　　聽著我在說樂與憂　分擔心內石頭
　　齊話聲
　　重唱　＊,＊

What city do I belong in?

You Belong in Rome

You're a big city girl with a small town heartWhich is why you're attracted to the romance of RomeStrolling down picture perfect streets, cappuccino in handAnd gorgeous Italian men - could life get any better?

What City Do You Belong In?

睇電視睇得多所以一直好想去意大利。原來,我係屬於羅馬的。

My Dog Cafe

歡迎光臨阿金cafe。呢度歡迎所有愛貓愛狗人士帶埋你地既寶貝來架。

睇下我地既水吧就知我地呢度出名食蛋糕啦。不過,冇理由寶貝齋睇冇得食既。所以我地都有專係比貓狗食既蛋糕架。

當主人0係戶外享用緊美味既下午茶sweet set時,

寶貝都嘆緊佢豐富既大餐!!!

唔中意坐出面晒太陽,坐室內都唔錯架。唔好睇小我地舖頭細細,我地既食物可以拍得住五星級酒店餐廳架。

食飽飽可以出去餐廳後面欣賞下花,睇0岩既話可以買走佢添。

睇下我d花種得幾靚~

我地呢度有車位架,駕車人士唔使驚冇地方泊車啦。

假若閣下有需要既話,我地仲會提供埋洗車服務添。

記得得閒就黎搵我阿金玩喇。

同場加映: 大笨狗與小狗屋

八隻咪咪

星期四終於睇左八隻咪咪。
老弟同我講話好感動,佢都差點喊。
我已經預備我一定會喊。
點知我唔只喊,而係喊死左。
由中段開始喊,一直喊到收尾。
我承認我係眼淺。
但遇著係感動野慘情野仲要加狗,
簡直中我死穴。
但其實一路睇一路感觸。
動物,尤其係狗,佢一開始跟你,佢就會愛你一世。
想盡辦法無條件去愛你。
人呢,唔好話對人,對狗對動物都做唔到。
我諗起阿金以前個主人。
假若佢好愛阿金佢就唔會放棄佢。
佢唔會希望見到佢驚到賴屎賴尿0個個樣。
(但假若唔係佢放棄阿金我又唔會遇到佢)
套戲最後講得好好。
養動物係一生一世既承諾。
唔單只好似八隻狗咁一直等主人返黎,(old jack甚至一步都唔行開....Y_Y....哇....喊死)
而係好似男主角咁一直記住個承諾,搵返佢地,無論佢地生與死。
養動物唔係貪好玩,
而係要存出好多心機去愛佢教佢照顧佢。
希望所有狗主同動物主人都明白呢樣野。

P.S. 一路睇一路諗起咪咪,究竟佢而家去左邊呢?有冇好心人收養佢呢?希望佢而家唔係流落街頭或者遭遇不測啦。

演唱會預告

太好了,終於搞掂所有功課mid term同報告。
只剩下明天要交的lab report。
一身都輕鬆晒!
要好好hea到放完復活假先得。

決定去睇五月天演唱會。
好野,五月天萬歲!
不過,呢輪真係好多人開演唱會呢。
陶吉吉同soler我都好想睇。
有冇人有興趣?請聯絡我。

呀,預告一下。
何詩詩十月開演唱會喇。
終於都等到了,真係頸都長埋呀等到。
我極有可能會睇兩場架。
如果大家都想睇就快d同我講喇。
一齊去睇嘛。

早登極樂

對唔住阿蓮,我救唔到你.....
你安息吧。

激鬼死

頭先帶阿金去屙屎
屙完後就帶佢走入去人地個空地度
諗住放佢自己跑下步玩下
一放佢都好鬼開心
自己跑黎跑去又撲上我度
咁我諗住掟個樽出去比執等佢可以跑遠d
開頭兩次都好地地執返黎比我
點知第三次咬住返黎但又唔比我
之後仲一支箭咁咬住個樽走出空地
叫兩次都唔肯入返黎
後來佢見我跑出去追妠N自己標走仲轉個彎唔見人
我真係嚇到鼻哥"lone"都冇肉
幾驚佢走出馬路
後來我都追到轉左彎見到佢仲一直跑
就醒人地教走狗唔好跟住佢跑而係相反方向行
跟住我就即刻企0係度叫呇n彩佢個衰仔都即係跑返黎我度
我就即刻綁返個衰仔
真係嚇到我一額汗
其實我諗個衰仔係想標返屋企
因為佢跟住我同佢返屋企個方向一直咁跑
衰仔真係冇鬼用
好心同佢去玩佢反而想返屋企
真係激死我
不過又好好笑
佢一路咬住個樽直至返到屋企樓下一直都冇放開過
而家係屋企攤0係地下不斷喘氣
真係冇鬼用

四腳扒扒

剛剛影到阿金四腳扒扒訓教個樣,好可愛呀!!!!

好可愛既睡相。


P.S. 阿金正一口水佬同多口佬,勁多口水又成日講野。(我覺得)

心情好

最近除左食飯訓教睇電視同同阿金玩之外,所有野都冇心機去做。
今個星期兩個測驗都死左。但死咪死囉,都冇緊要,本來都冇預會識。
到了朋友就快畢業既呢個時候,有時會諗,讀咁多書都唔知為乜。
對唔住我又講悔氣說話。不過都係呻下jer。

都唔明點解d人咁中意搵我黎做晒命對象。
可能人地唔係有心既但我覺得唔多唔少都會有dd意。
車,好叻咩。我有阿金陪我,你有冇丫?!
我地去玩jerk阿金。

P.S. 阿金今日表現得出奇地好,所以我今日心情都特別好。

家有傻犬

佢叫阿金。
在yummy走左之後的第二日,佢就來了我家。
當我第一眼見到佢時,我心裡都打左個突。
因為佢真係好大隻,好肥。
可惜,佢係一個膽小鬼。
當佢一入我家時,佢驚到即刻賴屎,再賴埋屎。之後成身都震晒。
但我明白,因為呢度已經係佢第四個家。
不過阿金好快就適應新環境了。
仲好癡人,尤其係我爸。可能佢知道係我爸帶佢來呢度吧。
第一第二日既時候咩都唔識,所以成日都無無聊聊咁。
第三日學識左睇窗口,成日都走去望窗。
幾日後又學識咬紙巾,仲要走去垃圾筒"擔"出來咬。
琴日仲咬爛對鞋添。
不過當佢百厭完後,就會扮死狗。
尤其是0係我面前,因為我打得佢最狼。
連支打狗棒都比我打斷了。
而家佢一見到支棒就越叫越走。
一路追佢打佢就一路走一路縮。
見到佢呢個樣都唔知好嬲定好笑。
總之現在佢日日新鮮。
唔知佢來左我家後開唔開心呢?
但我見到佢咁就開心了。
儘管阿金唔係一隻最完美的狗,但我已經決定要愛佢一輩子了。

yummy給主人的家書

Dear jill媽:

我在git姨家中一切可好,勿念。git姨家上上下下都對我很好,他們都好喜歡我,經常讚我是乖孩子。
初到git家時有點想家而低鳴,不過現在都習慣了。閒時沒事做的時候我都會從屋頭走到屋尾,八卦一下他們在哪裡在做甚麼。又或者跳上沙發上攤抖下,又或者跟git姨玩,又或者玩狗糧,又或者看看窗門等等。不過git姨的家好像有點兒冷清,一天到晚都好像只有git姨跟git姨的媽在家。
明天就回家去了,有點兒不捨得啦(其實是git姨不捨得我)。
隨函附上我在git家的照片。

你看我多乖。

我在看電視啊。

git姨偷拍我的怪睡姿。

你的寶貝兒子yummy上

打書釘

我覺得街上最好的kill time節目就係去書店打書釘。
今天為了等Kairi小姐,旺角的大小商場都被我逛均,結果最後我都係決定上樓上書店去打書釘。
一個箭步走上了一間書店。賣0既書多數屬於嚴肅類,總之唔係輕輕鬆鬆0個種。
我個人認為打書釘最好0既環境,不在於地方大與小,而係一定要夠靜。店員亦都係較少的好。
可惜小小的店竟然有成五六個店員做野,行來行去咁。雖然未至於好似蠟筆小新入面那些店員計住時到時到候行埋黎扮執書咁,但我都覺得好唔自在,好似好阻住佢地咁(定係佢地阻住我?!)。
所以留左一陣,我決定去第二間。
第二間賣0既書好明顯有趣好多。
我係0個d睇書首先睇封面的人,如果本書封面唔靚都幾難吸引我去拎起佢。
第二間除左書有趣外,最緊要既係夠free。立即拎本書上手睇個痛快。
但企得耐,腰會痛。點解香港0既書店唔放d凳比人坐?!
聽聞台北既誠品書店有?比人坐低睇書,真想立即去試試坐0係度打書釘既滋味。
d人話香港人唔多睇書,可能就係因為冇打書打文化。冇打書釘文化,可能就因為少左張凳。
過了大半小時,Kairi小姐終於來電話到了。於是我又帶多兩本書走人。
好多書店都好次唔多中意人打書釘,但我覺得唔歡迎先蠢,因為一定少d生意。
好似我咁,每次打完書釘,都買本書走。
唔係覺得唔買唔好意思,而係因為我去睇,代表我有興趣,睇唔晒,自然會買走。

突然又有一個諗頭:不如第時開間半書店半咖啡室丫?可以睇書同時又可以飲下野咁。
曾經0係港大附近見到一間正正係想要0個種類型0既書店咖啡店,十分有格調。
係0個種好似屋企咁0既感覺0既舖頭,即係冇乜靚裝修d書又放得好隨意的。
聽講間野入面仲有個靚仔店員,煮野仲好好食添。
可惜佢位置係薄扶林,假若我係讀港大,我一定會經常去打躉。

畫眉深淺入時無?

如果一定要我揀計數同死,我諗我都係揀去死吧。
不過而家我又唔死得....感覺比死更難受。

《迪士尼》
他約我去迪士尼,
清晨四時已準備。
原想玩個心歡喜,
奈何不見俏米妮。

老實說,呢首打油詩認真俗。
以上係我地上cciv堂即興的大作。

都係呢句「畫眉深淺入時無?」好。


維港0既夜景竟然比我影到毫無吸引力.....

正西

真係唔好唔信邪。
quote蘇民峰二零零六狗年運程:
「今年正西是『五黃大病位』,會引起身體不適....」
今日一日之內我屋企死左十二條魚。
我親手掉在十條。
好邪。
咁0岩剛魚就係放0係正西。
你話係咪驚丫?!
所以唔好唔信。
大家如果係訓0係正西位,記得放音樂盒風鈴等等會發聲既金屬物件擋一擋。
呢d野真係寧可信其有呀。
唔怕話埋比大家知,我張床就係正西位....

仲有,有樣野要話比大家知,如果要send e-mail比我就send去以下呢個address啦。因為yahoo唔知做乜,我load十世都load唔到入去。
winniesenyelgit@gmail.com

The joy of Engrish

唔知大家有冇聽過"engrish"呢個字。
首先我要解釋一下何謂"engrish"。
根據engrish.com入面既解釋,"engrish"係指0係日本一d錯誤既英文用法及意思,特別經常出現0係商品及設計上面。呢個情況而家唔淨只出現0係日本,其他地區包括中國,甚至係美國都會有。但主要係亞洲地區較多。
或者講個例子比大家聽,"Hong Kong welcome you"呢個就係engrish之一。

無意中睇到一個外國人寫既journal,佢講緊有關大陸一d佢覺得好有趣既engrish。
Elyse Sewell's journal
佢其實唔係立壞心腸咁笑大陸既英文,佢只係覺得engrish其實好有趣。
不過佢影既例子我全部都唔識笑,因為大部份我都唔肯定錯咩,或者係我根本唔知有錯。

其實我明白點解老外會覺得engrish funny,就等如我地聽鬼佬講中文一樣會覺得好笑。除非佢地真係帶有歧視成份,否則我唔會覺得老外笑我地d英文係咩壞事,況且佢笑完令我知道自己其實有錯,笑下又有乜所謂?

不過我而家先知道原來自己太習慣engrish,根本好多句子講出口,可能只有香港人明,外國人一d都唔明。一直都好想學好英文,睇黎我應該係由戒晒engrish開始。

呢個係有關"engrish"既網頁,佢入面有好多funny engrish既相,大家可以去睇下。不過,其實我有好多都唔識笑。
www.engrish.com


P.S. 0係elyse篇journal入面,其中有個"rose of stipulation"我好想知點解個個都覺得好好笑!?(最好有人可以解釋下究竟d英文錯乜)
P.S.S. 唔知大家識唔識elyse,佢其實係America's Next Top Model season 1既其中一個參賽者,比賽完左之後黎左香港發展,最近同周生生拍廣告,地鐵站好多佢既poster,大家可以留意下。

無題

無意中看到一個同學寫既日記
佢話"朋友係應該相向"
我覺得佢講得好0岩
假若只有一方面付出
儘管幾咁努力都好
都只不過係徒然
另外我一直都認為
若果兩個朋友係對方心目中既位置係不同的話
一方好著緊
另一方懶懶閒
咁樣做朋友落去都好冇意思

唔好話約難
搵都已經好難
莫講話做朋友
我覺得做人都唔應該係咁
可唔可以有d交帶?
我明白你可能好忙
但忙並唔係一個藉口
打一個電話send一個msg阻你幾多時間?

口一直講住係冇意思
唔該請用行動表示
仲有,出力d
最起碼真係可以令我感覺到你既誠意

我咁講,只因為我覺得我地係好朋友
所以我著緊
但假若你唔在意的話
咁就算吧

喪食日記

明明前排可以好似練仙咁成日都只係食一餐,但最近卻竟然食唔停口。
都唔知係咪上次去澳門食到撐大左個胃。
繼澳門連續地食撞奶番薯餅葡撻雲吞麵生果撈藜詠園龍眼竹笙雪耳糖水,
再黎早餐B無花果薑汁雪糕燒春雞豬扒米奶茶豬扒包大菜糕木偶大菜糕。
之後返到黎都一直薑糖不離口。
今晚羅生生日六個人打邊邊,遞紙遞左兩次。
除左佢地既肥牛,樣樣野都打孖上。
食到最後仲可以淨一鍋丸,真係食都食到嘔。
再咁食法,真係冇得救。
所以,聽日開始,要過練仙生活先得。

旅行的意義

澳門的兩天之行,吃了很多,笑了很多。
只要跟好友們在一起,去哪裡都可以是最快樂的旅行。
這就是真正旅行的意義。

上天於2006年給我的第一份禮物

實在是難以置信。
我sem A的gpa竟然過三啊!!!!!!!
冇錯我真係開心得要飛起,在六樓的電腦前不禁驚叫了一聲。
不過我真係發夢都冇諗過可以過三呢。
可能沒有期望所以更加驚喜。
但而家始終都唔太相信,天啊,我真的可以有這麼幸運嗎?(最近都常喊天,衪應該不會覺得我煩吧?!)
不過,太humble好像顯得自己太做作,那我只好當仁不讓了。

好,讓我講講我的得獎感受先。(IAS pre-trianning 度學返來)
首先,我要多謝我0既爸爸媽媽,因為之前兩個sem考得何其差佢地都冇話我。(實情係媽媽到而家都唔知點為之高分點為之低分。)跟住我要多謝之前聽過我喊苦喊忽既朋友,弟弟,我唔會再講我放棄我quit喇,我會繼續落去,係捱又好係點都好,我都會盡力,至少,七分力。其實諗起由yr 1 sem a的1.97到而家的3.15,我覺得自己都已經好叻,可能都唔會再咁叻,不過如果keep到的話,我會再比個叻自己。呀仲有,我都想多謝歷年來教過我physics的人,包括郭sir阿dee同sham sir,冇你地,我諗我都唔會揀physics。嗯係咁多啦冇咩補充了。我唔會驕傲啦,因為我都唔確定仲有冇下次哈哈。(仍然覺得都係因為好彩而已)

哈哈哈哈(唔知點收尾)。

たららん (懶洋洋)

放假放得久了,身子都變得很懶。
就連音樂都喜歡聽懶洋洋的。(好像沒什麼關係)
懶得媽媽就快都看不過眼了。
不過,我實在喜歡這懶洋洋的感覺。
最好以後都可以繼續懶洋洋下去。

早前跟簡尼絲說過。
假若打工賺夠了錢,我就要自己開一間店。
或許是咖啡店或許是玩具店。
要放著所有我最愛的物件,又或者是弄得像個動物園般。
不需要賺大錢,只需夠我基本的開支就可以了。
"戀戰沖繩"中?口明日嘉的那間店感覺就最好了。

簡尼絲笑說我還是適合風平浪靜的生活。
而她要的是驚濤駭浪,充滿挑戰的。

果然我們夢想的生活是兩個極端。
那好吧,假若想要輕鬆的時候找我啊。

可愛貓貓

天啊!!!!好可愛呀x10000000000!!!!!!!!!!!!!!!!!!!!!!!!!!!!!!!!!好似話佢地係孖生架.......
我幾時先可以養返隻呀?!

Goodbye 2005

零五年正式結束,
零六年正式來臨!!!

各位,2006快樂!!!

零五年過得尚算不錯,托賴!!!雖然有好一陣子心情跌至谷底,但都走過了,萬幸!!!
寄望零六年會過得更好!!!

沒有什麼大計,一直都是隨心而行。不過也望可以順順利利,衰運遠離我,家人朋友平平安安!!!

yeah,忘記零五年的不快吧!