突然好想睇返籐木直人同江角真紀子套LOVE REVOLUTION。
因為呢套野所以中意籐木:love: 。
好想睇返咀角會發閃光既籐木( >3< )。
大家如果見到邊度有得買vcd或者d/l講聲比我知丫~搵得好辛苦呀!!!!
其實有好幾套舊日劇都想睇返,例如overtime(都係江角的)同with love。
老實講我真係幾中意睇江角真紀子。
以前常盤貴子都中意睇架。
不過而家都好少見到佢地lu。
(江角新個套唔知咩律師我都仲未睇。)
當然唔少得不婚男阿部寬啦。
始終,我都係最中意睇日劇。
最近我都諗點解我會突然堅持要學好韓文。
點解唔係日文呢?
可能睇東張西望見到阿宋芝齡用韓文訪問阿rain好型卦。
可能我中意睇韓片卦(唔係韓劇)。
(其實有時d韓片老土得黎會突然間有d位可以好感動我,係呀我幾老土架。)
可能我想睇得明d韓國護膚品同化妝品上面d"時文"卦。
其實我諗最大原因應該係我要懶型囉。
人人學日文我偏要學韓文。
係囉,就係咁簡單。
但希望我可以堅持落去。
你地做証,如果我畢業我唔繼續學落去就鬧爆我啦。
言歸正傳,記得見到邊度有LOVE REVOLUTION單聲比我知呀。
5 comments:
我唔係我個日記回你喇,咁多亂碼
有d舊日劇我係買碟架,dvd,不過質素參差,同一套劇入面,頭果兩隻碟好清,但後面果d就冇咁清都唔定
最近我都買左好多套呀,有虎與龍啦,池袋西口公園,司法研習八人組同埋dr.コト診療所2004,你有冇睇過虎與龍呀?好似係05年既劇,有長瀨智也同岡田准一做架,真係好好睇,尤其是係編劇方面,玩插敊真係出神入化,又好笑
另外有d舊日劇係我係verycd個網度dl架,即係電驢仔emule囉,套小早川我dl左成個星期,可能我都想睇唐澤,所以覺得套野都ok,套高校教師2003我都係係果度dl架,verycd個網真係咩都有
我都有衝動想學韓文,但係睇過佢d書之後,就放棄左喇,識讀一個字要拆幾個音
同埋日本公司d福利好呀,香港好似少d韓國公司喎~anyway,豬你好運啦
唐澤秀明我ok既...但套小早川我覺得真係有d悶囉.....
其實學韓文我都冇諗到話要去韓國公司做野架....純粹係想學囉,或者諗住有一技傍下身咁囉....不過我聽我d韓文miss講香港都有二百幾間韓國公司...福利都唔差架~
其實我都覺得日文易過韓文,因為日文唔使拼音...但而家都ok啦,耐左都已經大約掌握到佢d rules咁~
你學日文都要加油~
喂喂~我見到verycd有呀,我而家都dl緊~~
我都見到有呀~但因為dl個速度太慢所以我放棄左....而家搵到套dvd喇~
唔該晒~
Post a Comment