返工。

返左七日工,冇乜特別。
都冇咩唔慣,唯一唔慣就係要好早起身。
新公司,細到喊。數埋後面工場都只係八個人。
所以其實冇人帶我,好多時都唔知要做乜。
我又唔係讀呢科,所以好多時經理同同事講既野我一d都聽唔明。
但咁又點,又唔可以唔做,咪唯有頂硬上囉。
冇人一出黎做野就乜都識架啦。
不過有d驚做錯野或者做得唔好比人鬧囉。
就係咁,冇乜特別。
唔好叫我出糧請食飯呀,我諗我而家分分鐘要倒貼添呀。