自己給自己的麻煩

自從有左阿金之後,我就超級討厭落雨。
落雨點帶阿金出街屙尿屙屎呢?!
本來琴日諗住同阿金沖涼,但因為落雨,又順延至今日。
點知,今日比琴日更大雨,只好又順延....
唉,點解要落雨呢?咩都唔做得。

最近阿金皮膚出現左小小問題。
有結焦,小黑點,甩毛既情況。但好似又唔算好嚴重咁。
我之前懷疑係咪一種叫毛囊蟲病既遺傳病,問過人又覺得唔係。
只係好唔好去睇醫生呢個問題已經害我煩左好耐。
但屋企其他人好似完全唔在意咁呢個問題咁。
我好怕我既狗狗有皮膚病既問題,我唔想又搞到好似以前咁。
雖然上一次係比黑店所累。
但咩都做唔到要狗狗受苦既感覺好難受。
我只想我既狗狗可以健健康康咁生活。

琴日先同kairi講起養狗既麻煩。真係其實有好多麻煩之處。
我從來都係一個怕麻煩既人,但我而家竟然養左一隻狗。
仲要係一隻又長毛又肥又大隻既金毛尋回犬。
你問我煩唔煩?煩呀,不過係我揀既。