以前小學仲住九龍既時候媽媽都比我同老弟去參加咩聖經福音班。好奇怪,屋企拜神,但點解媽媽會比我地去聽耶穌呢?我諗可能係媽媽自己想有幾個鐘既空閒時間卦!?不過個時我同老弟都好樂意去,唔係因為覺得聖經故事好好聽,只係因為個度d飯好好食!!!(諗起都覺得好笑。)
後來大個了都冇再去呢類聚會了,而且仲對基督教天主教好反感。不過近幾年開始就慢慢接受返了,唔係話我開始信基督教天主教,而係我覺得宗教信仰起始都係導人向善,而且佢對一個人的影響真係好大,其實值得尊重。就好似個日做分享的個位先生,我確實相信佢係潛意識去拒絕佢個班社團兄弟,我確實相信係信仰令佢變返做好人。
有宗教信仰係好事。但與其要我去相信耶穌,我更加相信我自己,我屋企人,我既朋友,因為,佢地比任何一樣野更加實在。
講完宗教,講下聖誕。突然間諗起小時一樣關於聖誕既事(好可能你地都有同樣既疑問!)。每逢聖誕總會收到姑姐姑丈寄來既聖誕卡,上面一定會用簡體字寫住「聖誕快樂」。個時係度諗,「點解姑丈會寫"怪"誕快樂架呢?」我係直到我讀中學先知原來那個係"聖"字既簡體,唔係"怪"字.....但就算而家我識個簡體字,我依然會下意識將佢讀左"怪"....哈哈
今日聖誕節,祝係唔係基督徒既你都「"怪"誕快樂」!!!!!
P.S. 希望我之前講既宗教立場唔會令到基督徒朋友反感>.<"
再P.S. 其實如果基督教同佛教比我揀,我都係會揀佛教囉。
再再P.S. 係呢~我又買左新玩具喇,係Beauty Counter呀~好靚呢~又影左好多相呀,去相簿睇下啦~~~
4 comments:
冇錯呀,我都覺得佛家既道理可以講服我多d.天主教雖然都有可取既地方.但係某d理論真係令人好反感,好似有一年,我仲讀緊中二三.係街度俾個人拉住左我.叫我參加d咩咩聚會.咁我咪同個朋友去囉.點知去到,班友係咁唱歌.唱到喊哂咁,不知幾激動.我以為自己入左邪教呀!!
到佢地講道理,佢地話自己信耶教的話,第時個伴侶就一定都要係教徒,如果唔係就冇得上天堂喎.我覺得好荒謬囉,呢d野邊有得勉強架!?不要問,只要信?!所以由果時起我對耶教真係好反感...自己果間學校都係天主教都係咁話
唔好意思,發表埋d咁敏感既野tim~
係呀,我都以為過果個字係個"怪"字呀~~都係幾一兩年先知~~!!!
我好似冇疑惑過個聖字同怪字(笑)
終於都買左喇﹖那個玩具~
wanda~唔緊要~我好歡迎大家係度講野~~~其實我覺得我始終都接受唔到基督教天主教既最大原因就係好似你所講咁佢地會排斥其他宗教...好似佢大晒咁...其次就係d教徒真係太熱情同幾長氣...三唔識七都拉住你講一大堆說話...我真係有點怕...
我delete哂我個blog既文章and message呀,無陰功呀~~~~
家陣個blog又好似okay左喎!
Post a Comment